Keleli kezdesý
QazUÝ rektory Germaniianyń jetekshi ýniversitetterindegi stýdentter men oqytýshylarǵa arnalǵan akademiialyq utqyrlyq baǵdarlamasyna qyzyǵýshylyǵyn bildirip, Tokio, Lotaringiia, Strasbýrg jáne Kembridj ýniversitetterinde magistranttardy jáne PhD doktoranttardy daiyndaityn halyqaralyq baǵdarlamalardyń tájiribesi jaily atap ótti.
«Qazaq ulttyq ýniversiteti ǵylym jáne bilim salasynyń turaqty damý barysynda, BUU-nyń jahandyq haby, IýNESKO-nyń aimaqtyq haby ataǵyna laiyqty joǵary oqý orny. Eýropalyq qundylyqtar bizdi tolyqtai qyzyqtyrady. Germaniia JOO-larymen QazUÝ ǵylymi jobalardy uzaq merzimdi seriktestikke, joǵary tehnologiialyq óndiristerge mamandardy birlesip daiyndaýǵa jáne birlesken ǵylymi-zertteýlerdi júrgizýge, «Qos diplomdy bilim berý» baǵdarlamasyn damytýǵa nietti», – dedi Ǵalymqaiyr Mutanuly.
Kelissózder júrgizý barysynda Tiýringiia eliniń ǵylym, óner jáne zertteý eks ministri, professor Dagmar Shipanski, QazUÝ-men birigý aiasynda «Energiia saqtaý jáne jańartylǵan energiia kózderi», «Energiia jinaqtaý jáne taratý», «Qoǵamdy sandyq júiege keltirý» taqyryptarynda halyqaralyq ǵylymi dóńgelek-ústelder men seminarlar ótkizý múmkindikteri jaily aityp ketti.
Konrad Adenaýer atyndaǵy qordyń Qazaqstandaǵy ókildiginiń direktory Tomas Helm, 2007 jyldan beri júzege asyp kele jatqan demokratizatsiialaý men azamattyq qoǵamnyń qalyptasýyna áser etetin «Sur-Place» stýdentterge grant taǵaiyndaý baǵdarlamasyn tilge tiek etti.
Germaniia Býndestagynyń depýtaty Tankred Shipanski QazUÝ-dyń qyzmetin joǵary baǵalady. Sonymen qatar JOO tańdaǵan baǵyttyń durys ekendigin jáne halyqaralyq yntymaqtastyqtaǵy tabysty tájiribesine erekshe toqtaldy.
