Qazaqstan Respýblikasy Ulttyq qaýipsizdik komitetiniń tóraǵasy Ermek Saǵymbaev Ulttyq qaýipsizdik organdary kúnine orai bergen baǵdarlamalyq suhbatynda eldegi terrorizmge qarsy kúres, memlekettik shekara qaýipsizdigi, kiberqaýipter jáne uiymdasqan qylmysqa qarsy qabyldanyp jatqan sharalar týraly aitty, dep habarlaidy dalanews.kz.
10 terrorlyq árekettiń joly kesildi
Kazinform agenttigine bergen suhbatynda Ermek Saǵymbaev keiingi tórt jyl ishinde Qazaqstanda 10 terrorlyq áreket pen kúsh qoldanýǵa baǵyttalǵan qylmystyń aldyn alý múmkin bolǵanyn jetkizdi.
Osy kezeńde 290-nan astam dini radikal sottalǵan. Sonymen qatar, terroristik áreketterge qatysy bar 1 800-den astam shetel azamatynyń Qazaqstan aýmaǵyna kirýine tosqaýyl qoiylǵan. Internette taralǵan radikaldy mazmundaǵy 100 myńǵa jýyq silteme buǵattalǵan.
Jasandy intellekt jańa qaýip kózine ainaldy
UQK tóraǵasy qazirgi tańda ulttyq qaýipsizdikke tónetin negizgi qaterlerdiń qatarynda kibershabýyldardy, jasandy intellekt kómegimen jasalatyn jalǵan aqparattardy (deepfake), transulttyq qylmysty jáne syrtqy yqpal etý áreketterin atady.
Onyń sózinshe, jasandy intellekt aqparattyq shabýyldardyń jańa quralyna ainalyp barady.
Shekarada tsifrlyq baqylaý kúsheitildi
Memlekettik shekaradaǵy qaýipsizdikti arttyrý maqsatynda biyl Shekara qyzmeti úshin 10 mobildi inspektsiialyq-tekserý kesheni satyp alynǵan.
Sondai-aq 12 ótkizý pýnktinde 54 avtomattandyrylǵan pasporttyq baqylaý júiesi iske qosylǵan.
75 uiymdasqan qylmystyq toptyń qyzmeti toqtatyldy
Ermek Saǵymbaevtyń málimetinshe, 2022 jyldan beri quqyq qorǵaý organdarymen birlesip 75 uiymdasqan qylmystyq toptyń zańsyz qyzmetine tosqaýyl qoiylǵan.
Osy ýaqyt ishinde qarý-jaraq ótkizýdiń 52 arnasy joiylyp, 3,3 myńnan astam qarý tárkilengen. Budan bólek, 15 jasyryn qarý jasaý sheberhanasynyń qyzmeti toqtatylǵan.
