Májilis depýtaty, «AMANAT» partiiasy fraktsiiasynyń múshesi Aidos Sarym importtyq shikizatty kedennen ótkizý máselesi boiynsha Ulttyq ekonomika ministri Serik Jumanǵaringe depýtattyq saýal joldady, dep habarlaidy Dalanews.kz.
Depýtattyń aitýynsha, kedendik rásimderdegi júieli qiyndyqtar otandyq óndirýshiler men biznestiń damýyna aitarlyqtai kedergi keltirip otyr. Kásipkerler taýarlardy kedennen shyǵarý barysynda uzaqqa sozylatyn, túsiniksiz jáne anyq reglamenttersiz rásimderge tap bolady. Saraptamalar aptalap nemese ailap sozylyp, naqty merzim belgilenbegendikten biznes shyǵynǵa ushyraidy.
"Bul belgisizdik óndiris quraldaryn saqtaý shyǵyndaryna, óndiristiń toqtaýyna, kelisimsharttardyń buzylýyna, aiyppuldardyń salynýyna, ónimniń ózindik qunynyń ósýine jáne kásiporyndardyń básekege qabilettiliginiń tómendeýine ákep soqtyrady", – dedi Aidos Sarym Májilis otyrysynda.
Depýtat keshigýler ásirese tez buzylatyn taýarlar men óndiris úshin strategiialyq mańyzdy shikizatqa qaýip tóndiretinin atap ótti. Mysaly, Shyǵys Qazaqstan oblysyndaǵy "Alprima" JShS sporttyq kiim tigýge arnalǵan 3 tonna matany 4 tamyzdan beri kedennen shyǵara almai otyr. Salyqtar men sertifikattar tólengenine qaramastan, taýar 50 kúnnen beri ýaqytsha saqtaý qoimasynda tur. Bul kompaniianyń qarjylai jaǵdaiyna jáne kelisimsharttardy oryndaýyna qaýip tóndirýde.
Aidos Sarym kásiporyndardyń aldyn ala shikizat satyp alyp, óndiristi qamtamasyz etýge tyrysatynyn, biraq olar únemi keden organdaryna táýeldi bolyp otyrǵanyn aitty.
"Keden rásimderi lototronǵa ainaldia. Bir kúndik kidiris ondaǵan adamnyń jalaqysyna, otbasyna jáne ónimniń baǵasyna áser etedi", – dedi depýtat.
Sonymen qatar kásiporyndar barlyq salyq pen alymdardy tóleýge daiyn ekenin, alaida kedendik rásimderdiń jyldam ári ashyq ótýin kútetinin atap ótti. Bul tájiribe memleket basshysynyń shaǵyn jáne orta biznesti qoldaý, keden rásimderin ońtailandyrý jáne ákimshilik kedergilerdi joiý jónindegi tapsyrmalarymen qaishy keletinin aitty.
Aidos Sarym Ministrlikten importtyq shikizatty kedennen ótkizý mehanizmin jeńildetý, kásiporyndarǵa jedel qoljetimdilikti qamtamasyz etý jáne artyq ákimshilik kedergilerdi joiý boiynsha naqty shara qabyldaýdy talap etti.
