Almaty qalasynyń Almaly aýdandyq soty KazTAG agenttiginiń bas redaktory Amir Kasenovqa qatysty bultartpaý sharasyn ózgertti, dep habarlaidy dalanews.kz.
Buǵan deiin úiqamaqta bolǵan jýrnalist endi kúzetpen ustaýǵa alyndy. Sot sheshimi aiyptalýshynyń úiqamaq talaptaryn birneshe ret buzýyna bailanysty qabyldandy.
Sot málimetinshe, Amir Kasenov qylmystyq iske qatysty beineúndeýler jariialap, sondai-aq sot otyrysyna kelmegen. Osyǵan bailanysty memlekettik aiyptaýshy bultartpaý sharasyn qatańdatýdy suraǵan.
Eske salsaq, Amir Kasenov pen KazTAG agenttiginiń bas direktory Aset Mataevqa qatysty qylmystyq is 2025 jyldyń sońynda qozǵalǵan bolatyn. Is Freedom Finance kompaniiasynyń shaǵymynan keiin tirkelgen. Kasenovke QR Qylmystyq kodeksiniń 274-baby boiynsha aiyp taǵylǵan. Jýrnalist pen onyń qorǵaýshylary aiyptaýlarmen kelispeidi jáne isti kásibi qyzmetimen bailanystyrady.
