Búgin Astanada iadrolyq tehnologiialar men atom energetikasyna arnalǵan KazAtomExpo halyqaralyq kórmesi ashyldy. Is shara aiasynda qatysýshylarǵa Qazaqstannyń atom energetikasy men ǵylym salasyndaǵy jetistikteri, sondai-aq elimizdiń osy saladaǵy múmkindikteri tanystyryldy. Kórme sondai-aq atom salasyna mamandar daiyndaityn Qazaqstannyń jetekshi ýniversitetteriniń ǵylymi jáne kadrlyq áleýetin kórsetti.
KazAtomExpo-2024 kórmesiniń ereksheligi Qazaqstanda atom elektr stantsiiasyn salýǵa arnalǵan tehnologiialardy jetkizýshiler retinde qarastyrylatyn álemdik jetekshi kompaniialardyń qatysýy boldy. Olardyń qatarynda «Qytai ulttyq iadrolyq korporatsiiasy» (CNNC), «Koreianyń sý jáne iadrolyq energetikalyq korporatsiiasy» (KHNP), «Électricité de France» (EDF), sondai-aq reseilik «Rosatom» memlekettik korporatsiiasy bar. Bul kompaniialar ózderiniń innovatsiialyq ázirlemelerimen tanystyryp, tájiribelerimen jáne atom energetikasyn damytý josparlarymen bólisti.
Qazaqstan Respýblikasynyń Energetika ministri Almasadam Sátqaliev «QazAtomEkspo» kórmesiniń elimizdiń atom energetikasyn damytýdaǵy mańyzdylyǵyn atap ótti. Ol atom energetikasy Qazaqstan úshin negizgi qýat kózine ainalyp, energetikalyq júieniń turaqty damýyna yqpal ete alatynyn atap ótti. Ministr sondai-aq, atom energiiasyn paidalaný kezinde ekologiialyq aspektilerdiń mańyzdylyǵyna toqtalyp, atom elektr stantsiiasyn salý boiynsha josparlanǵan respýblikalyq referendýmdy eske saldy.
«Eń mańyzdy mindet – jalpy ulttyq referendým ótkizý. Biz árbir azamatqa óz pikirin bildirip, energetikalyq júiemizdiń bolashaq damý jolyn anyqtaýǵa múmkindik bergimiz keledi. Bul referendým Qazaqstannyń atom energetikasynyń bolashaǵyn aiqyndaýdaǵy mańyzdy qadam bolmaq», - dedi Almasadam Sátqaliev.
Sondai-aq ministr halyqaralyq jáne otandyq seriktesterge kórmege qatysqandary úshin alǵysyn bildirdi. «Biz búgin qatysýshylarymyzǵa Qazaqstanǵa kelip, qazaqstandyqtardyń atom energetikasy týraly suraqtaryna jaýap berýge keliskenderi úshin alǵys aitamyz. Olardyń qatysýy men mańyzdy máselelerdi talqylaýǵa daiyndyǵy bizdiń elimiz úshin ashylyp jatqan múmkindikterdi tereńirek túsinýge jáne baǵalaýǵa yqpal etedi», - dep qosty ministr.
Almasadam Sátqaliev sondai-aq: «Búginde bizdiń elimiz tómen kómirtegin damytý jáne kómirtegi beitaraptyǵyna qol jetkizý úshin birqatar strategiialyq qujattardy qabyldady. Bul qujattarda balamaly jáne jasyl energiia tehnologiialaryna investitsiiany ulǵaitý, kómir óndirý úlesin kezeń-kezeńmen qysqartý jáne 2060 jylǵa qarai jańartylatyn energiia kózderi men balamaly energiia úlesin arttyrý qajettigi týraly aitylady».
Ministr Qazaqstannyń aldynda atom ónerkásibiniń bolashaǵyna jáne elimizdiń búkil energetikalyq júiesiniń turaqty damýyna eleýli áser etetin tańdaý aldynda turǵanyn atap ótti. «Bul tańdaýlar bolashaqta energetikalyq qaýipsizdik pen turaqty energiia óndirýdi qalai qamtamasyz etetinimizdi anyqtaidy. Árbir qadam ǵylymi derekterge, halyqaralyq tájiribege jáne turaqty damý qaǵidattaryna negizdelgeni mańyzdy», - dep túiindedi ministr.
Kórmeniń mańyzdy oqiǵalarynyń biri plenarlyq otyrys boldy, onda qatysýshy kompaniialardyń delegatsiialarynyń basshylary sóz sóiledi. Kezdesý barysynda atom salasynyń jai-kúii men Qazaqstanda atom elektr stansasyn salý perspektivalary, sondai-aq atom energiiasyn beibit maqsatta paidalanýdy damytýdyń ózekti máseleleri talqylandy.
