2025 jyldyń qorytyndysy boiynsha Kazakhmys Smelting metallýrgiialyq diviziony negizgi kórsetkishterdiń turaqty ósimin kórsetti. Tazartylmaǵan mys óndirisi 13%-ǵa, kúkirt qyshqylyn óndirý 11%-ǵa ósti (sońǵy on jyldaǵy eń joǵary kórsetkish), al shihta óńdeý deńgeii tarihi maksimýmǵa jetti, dep habarlaidy Dalanews.kz.
Osyndai ósimge qol jetkizýge tehnologiialyq úderisti turaqtandyrý, jóndeý jumysyn júrgizý jáne óndiristik qýatty arttyrý sharalary yqpal etti. 2026 jyly kompaniia shikizatpen turaqty túrde qamtamasyz etilgen jaǵdaida óndiristi odan ári ulǵaitýdy josparlap otyr.
Óndiris kólemi artqan saiyn metallýrgiialyq qýatty jańǵyrtý jáne kásiporyndardy ekologiialyq talapqa sai jańartý jumysy jalǵasýda.
Negizgi jobalardyń biri – Jezqazǵan mys balqytý zaýytynda jańa kúkirt qyshqyly keshenin salý. Onyń iske qosylýy qaldyq gazdardy kádege jaratý deńgeiin edáýir arttyryp, kúkirt dioksidi shyǵaryndylaryn 90%-ǵa deiin tómendetedi, sondai-aq qoldanystaǵy ekologiialyq talapqa sáikestikti qamtamasyz etedi.
Jalpy, Kazakhmys Smelting kompaniiasynyń damýy úsh faktordyń úilesimine negizdeledi: óndiristik kórsetkishtiń ósýi, metallýrgiialyq qýatty tehnikalyq turǵydan jańǵyrtý jáne ekologiialyq júktemeni kezeń-kezeńimen tómendetý. Metallýrgiialyq qýatty jańartý óndiristiń tiimdiligin arttyrýǵa jáne onyń ekologiialyq turaqtylyǵyn kúsheitýge baǵyttalǵan. Kompaniia uzaq merzimdi básekege qabilettiliktiń quraly retinde jańǵyrtýǵa basymdyq berip otyr.
