«KazakhExport» kompanıasynyń bıznes-mamany Anar Qabdýǵalıeva qazir óńirlerdi aralap júr. Almatyda bıznes-sabaq ótkizgen maman ilgerdegi saýaldarǵa jaýap berdi.
– KazakhExport byltyr eksporttaýshylarǵa 40 mlrd. teńge kóleminde qarjylaı qoldaý kórsetti. Bıylǵy jyly shıkizattyq emes taýarlar men qyzmetterdiń eksportyn qoldaýdy 100 mlrd. teńge kólemine jetkizýdi josparlap otyrmyz, – deıdi ol.
Aıtýynsha, óndirgen ónimin eksporttaýǵa bel býǵan bıznesmender túrli kedergimen betpe-bet kelýi múmkin. Kásipkerler eksportqa shyǵa otyryp ımporttaýshyǵa jibergen taýary úshin aqysyn ala almaı qalýdan qaýiptenedi. Al osy tólemnen jaltarý táýekeliniń ornyn toltyrýǵa KazakhExport kómektesedi. Iaǵnı KazakhExport kásipkerdiń osy táýekelin saqtandyra alady.
– Eksportpen aınalysqysy keletin kásipkerlerge qarjylaı kómekterińiz bar ma?
– Iá, eksporttaýshylardy memlekettik qoldaý aıasynda ekinshi deńgeıli bankter arqyly eksporttaýshylarymyz jeńildetilgen mólsherleme boıynsha kredıt ala alady.
Sondaı-aq, ekinshi deńgeıli bankter arqyly qarjylandyrý alǵanda kóptegen kásipkerlerde kepildik qoıý máselesinde qıyndyq týyndaıdy.
KazakhExport osyndaıda kepildigi azdyq etip jatqan kásipkerge qol ushyn sozady, ıaǵnı bizdiń saqtandyrýymyz 90 paıyzǵa deıingi qosymsha kepildik retinde júredi.
– Bankter KazakhExport-tyń saqtandyrýyn kepildik retinde qabyldaýǵa kelise me?
– Kelisedi, sebebi Ulttyq Bank 2018 jylǵy 25 qyrkúıekte óziniń 13.09.2017 jylǵy №170 Qaýlysyna tolyqtyrýlar men ózgerister engizdi, onda ekinshi deńgeıli bankterde saqtandyrý sharty ótimdiligi joǵary kepildik retinde qabyldanatyny týraly aıtylǵan.
Kazakhexport ónimderi arqyly kórsetiletin memlekettik qoldaý sharalary qandaı?
– Kompanıa uıymdastyryp jatqan bıznes tálimderdiń maqsaty, mindeti ne?
– KAZAKHEXPORT ótkizip jatqan tálimderdiń negizgi maqsaty– Damý kásipkerlikti damytý ortalyǵy, Atameken kásipkerler palatasy, Agrokredıttik korporasıa sekildi seriktesterimizdiń kómegimen kásipkerlerge memlekettik qoldaý sharalary týraly jetkizý.
Shıkizattyq emes taýar men qyzmetterdi eksporttaýshylarǵa arnalǵan mundaı sharalar KazakhExport-tyń qarjylyq ónimderi arqyly júzege asyrylady.
Ekinshi deńgeıli bankterdiń qyzmetkerlerin bizdiń ónimderdiń qyr-syryna oqyta otyryp biz ony eksportpen aınalysatyn bank tutynýshylarynyń kredıttik kelisimderin qurylymdaý barysynda paıdalaný múmkindigin usynamyz
– Eger eksporttaýshyǵa kómek kerek bolsa, Sizdermen kim habarlasýy kerek, eksporttaýshynyń ózi me álde onyń banki me? Sizdermen kelisim jasaý úshin qandaı qujattar kerek?
– Bizge kásipkerlerdiń ózderi de, nemese olar qyzmetin paıdalanatyn bankteri de júgine alady.
Bizben telefon arqyly habarlassa bolady jáne de www.keg.kz saıtymyzda onlaın-ótinish qaldyrýyna bolady. Barlyq suraqtaryńyzǵa mindetti túrde jaýap beremiz, qajet bolsa kezdesý nemese eksporttaýshy ornalasqan Qazaqstan óńirine sapar uıymdastyramyz.
Eksporttyq kelisimshartty jasasý úshin bankterdegi sekildi bizde de onyń jobasyna taldaý júrgiziledi jáne bankterdegi sekildi tizbe boıynsha qujattar usyný talap etiledi. Bizge júgingen kezde qandaı qujattardyń jáne ne úshin kerek ekenin mindetti túrde túsindiremiz.
– Eger 1 jylǵa eksporttyq kelisimshart jasasqan qazaqstandyq óndirýshi Sizderge tólem mursatyn, ıaǵnı sheteldik satyp alýshynyń tólemnen jaltarý táýekelin saqtandyrý bóliginde ǵana qoldaý kórsetýdi surap júginse, onda KazakhExport búkil kelisimshartty tutastaı saqtandyra ma?
– Joq. KazakhExport búkil kelisimshartty emes, taýar toptamasyn saqtandyrady. Biz bul kompanıaǵa aılyq lımıt belgileımiz, al kompanıa tıep-jóneltýdi odan aspaıtyn shekterde júzege asyrýy tıis. Eger birneshe saqtandyrylǵan tıep-jóneltýden keıin kompanıa bul kelisimshart boıynsha óz betinshe, saqtandyrý qoldaýynsyz jumys isteýdi sheshse, bizdiń tarapymyzdan qarsylyq bolmaıdy. Eksporttaýshynyń qalaýy boıynsha, búkil kelisimshartty da saqtandyra alamyz.
KazakhExport-tyń negizgi maqsaty – eksporttaýshyǵa eksportqa endi shyqqan kezinde, kompanıanyń eksporttyq qyzmetin keńeıtken kezinde, ıaǵnı jańa kelisimsharttardy jasasý barysynda qoldaý kórsetý.
KazakhExport-tyń búkil qyzmeti Qazaqstannyń eksportyn ósirýge jáne eksportqa shyǵý kezinde kásipkerlerdiń táýekelin tómendetýge baǵyttalǵan.
Qazirgi tańda bizdiń kompanıa 50-den asa eksporttaýshymen jumys isteıdi.
– Áńgimeńizge rahmet!
Suhbattasqan, Dýman BYQAI
KazakhExport qoldaý kórsetken kompanıalardyń bir parasy:
- Tamaq óndirisi – Baıan Sulý, Rahat kondıterlik fabrıkalary
- Agróndiris salasy – "Qaraoı", "Terra" et óndiretin kásiporyndary, "AqOrda Kapıtal" shujyq ónimderi kásiporny, ShymkentMaı zaýyty, AralTuz kásiporny.
- Kólikqurastyrý salasy – Kentaý jáne Oral transformator zaýyttary, «Qaınar» akýmýlátor zaýyty.
Aıtpaqshy...
Eksporttaýshylar www.keg.kz saıtyna kirip «Eksporttaýshynyń birińǵaı terezesi» arqyly saqtandyrýǵa ótinish bere alady.
[perfectpullquote align="right" bordertop="false" cite="" link="" color="" class="" size=""] Dalanews.kz saıtyna suhbat bergen KazakhExport kompanıasynyń bıznes-treneri Anar Qabdýǵalıevamen myna telefondar arqyly baılanysa alasyz:
8 (701) 710 97 53; 8 (717) 295 56 56 (ishki.125) [/perfectpullquote]
