Mańǵystaý oblysynda 445 millionnyń jeri memleketke qaitaryldy, - dep habarlaidy Dalanews.kz.
Kelip túsken ótinish negizinde Mańǵystaý oblysynyń jer resýrstaryn basqarý departamentimen jaýapkershiligi shekteýli seriktestikke qatysty jospardan tys tekserý júrgizildi. Nátijesinde munai terminalynyń qurylysyn salý jáne ornalastyrý úshin arnalǵan jalpy aýdany 50,0 gektar jer ýchaskesi uzaq ýaqyt boiy nysanaly maqsaty boiynsha paidalanylmai kelgeni anyqtaldy.
Kadastrlyq (baǵalaý) quny – 445 million teńge jer ýchaskesi Kaspii teńiziniń jaǵalaýyndaǵy Qaraqiia aýdanynda ornalasqan.
Jer ýchaskesiniń menshik iesine jer zańnamasynyń talaptaryn buzýshylyqtardy joiý týraly nusqama berildi. Jyl aiaqtalǵannan keiin nusqama talaptaryn oryndamaǵany úshin seriktestikke 345 myń teńge kóleminde aiyppul túrindegi ákimshilik shara qoldanyldy.
Sonymen qatar Departamenttiń jer ýchaskesin memleket menshigine májbúrlep alyp qoiý týraly talap-aryzy sotpen qanaǵattandyrylyp, sot sheshimi zańdy kúshine endi.
