Búgingi kúni mobıldi aýdarymdardy taýarlar, jumystar men qyzmetter úshin tólem qabyldaý kezinde kásipkerler keńinen qoldanady. Bıznes ókilderiniń keıbiri bul qyzmet arqyly naqty aınalymdaryn jasyrady. Mıkro-shaǵyn bıznesti úsh jyl boıy tabys salyǵynan bosatqanyna qaramastan mundaı zańsyz áreketter jıi kezdesedi.
Memlekettik kirister komıteti transfertter men tólemderdi bólý jáne fıskaldaý boıynsha birqatar sheshimder ázirlep jatyr. Bul kásipkerlerdiń jeke aýdarymdary men kásipkerlik transfertterin ajyratýǵa múmkindik beredi. Bul jańashyldyq tee bıznes ókilderine ǵana qatysty. Jeke tulǵalardyń jeke aýdarymdaryna áser etpeıdi, salyq salynbaıdy, dep habarlady MKK baspasóz qyzmeti.
Kásipkerlik qyzmettegi aýdarymdar men tólemderdi qabyldaý úshin Komıtet bızneske bólek shottar paıdalanýdy usynady.
Sondaı-aq, biz kásipkerlik qyzmetke arnalmaǵan shottardy paıdalanyp tabys alý belgilerin anyqtaıtyn, táýekelderdi basqarý júıesin iske qosýdy usynamyz, - dep atap ótti Memlekettik kirister komıteti.
Mysaly, bir adamnyń kún saıyn birneshe adamnan aýdarymdardy uzaq ýaqyt boıy alýy kásipkerlik qyzmettiń belgileri retinde tanylýy múmkin.
Jalpy, taýarlar, jumystar men qyzmetter úshin jasalǵan tólem belgilerin anyqtaý boıynsha jumys bastaldy jáne ekinshi deńgeıli banktermen, "Atameken" UKP-men jáne bıznes qaýymdastyqpen birlesip talqylanady.
