Memlekettik jáne basqa da sıfrlyq servısterdi biriktirgeni úshin jáne qazaqstandyqtardyń kúndelikti ómirine keńinen endirgeni úshin Kaspi.kz kompanıasy basty «Jyl transformatory» atandy.
Kaspi.kz-tiń basshysy ári negizin qalaýshylardyń biri Mıhaıl Lomtadze óz pikirin bildirdi:
– Búgingi tańda Qazaqstan – memlekettik qyzmetterdi onlaın kórsetýde álemdegi eń damyǵan elderdiń biri, ol ár qazaqstandyq úshin zor maqtanysh kózi.
Qazaqstandyqtar úshin memlekettik qyzmetterdi barynsha qoljetimdi etýge tyrysyp jatqan memlekettik organdarǵa raqmet aıtamyn.
Sıfrlyq damý mınıstrligi, «Ulttyq aqparattyq tehnologıalar» AQ, «Azamattarǵa arnalǵan úkimet» KEAQ, Qarjy mınıstrligi, Memlekettik kirister komıteti, Densaýlyq saqtaý mınıstrligi, İshki ister mınıstrligi, Eńbek jáne halyqty áleýmettik qorǵaý mınıstrligi, Ádilet mınıstrligi, Bas prokýratýranyń Quqyqtyq statısıka komıteti, İİM Ákimshilik polısıa komıteti men azamattarǵa arnalǵan zamanaýı sıfrlyq servısterdi jasaýǵa atsalysqan basqa da mekemelerge senim artqany úshin jáne birlesip jumys istegeni úshin myń alǵys!
Al qazaqstandyqtar memlekettik qyzmetterdi týra óz smartfonynda ońaı ári jyldam alady. Bizdiń jumysymyzdy joǵary baǵalaǵany úshin forýmnyń qazylar alqasyna raqmet! – dedi.
Kazakhstan Growth Forum saraptamalyq keńesi jyl saıyn elimizdiń úzdik kompanıalaryn aıqyndaıdy.
Bıyl onyń quramyna Oraz Jandosov, Sáken Jumashev (KPMG), Elena Bahmýtova (AFK), Eldar Ábdirazaqov (Kazakhstan Growth Forum), Ekaterına Bendjamın (IFC), Erlan Dosymbekov (EY), Erjan Dosymbekov (Grant Thornton), Andreı Beklemıshev (IDC), Dýlatbek Ikbaev (McKinsey & Company), Dana İńkárbekova (PwC), Dına Ýrastaeva (Qazaq Independent Directors) sıaqty bedeldi sarapshylar kirdi.
