Qazaqstan Respýblikasy Premer-Ministriniń orynbasary Qanat Bozymbaevtyń tóraǵalyǵymen qurylǵan Úkimettik komissiianyń tapsyrmasy boiynsha Kaspii teńiziniń akvatoriiasynda táýlik boiy úzdiksiz izdestirý-qutqarý operatsiiasy júrgizilip jatyr, dep habarlaidy dalanews.kz.
Izdestirý-qutqarý jumystaryna oqiǵa ornynda tikelei basshylyqty Qorǵanys ministri aviatsiia general-leitenanty Dáýren Qosanov júzege asyrýda. Qurylǵan jedel shtabtyń quramyna Qorǵanys ministrliginiń, UQK Shekara qyzmetiniń, Tótenshe jaǵdailar ministrliginiń, Ishki ister ministrliginiń, sondai-aq Mańǵystaý oblysynyń jergilikti atqarýshy organdarynyń ókilderi kirdi.
Aýqymdy izdestirý-qutqarý operatsiiasyna 252 áskeri qyzmetshi men qyzmetker, 34 birlik arnaiy jerústi tehnikasy, 37 áskeri súńgýir, 14 keme men kater, sondai-aq 4 tikushaqty qosa alǵanda, 20-dan astam áýe kemesi jumyldyryldy. Vedomstvolardyń kúshteri men quraldarymen sý aidyny, jaǵalaý aimaǵy jáne oǵan irgeles aýmaqtar áýeden úzdiksiz baqylanyp, tekserilýde.
Oqiǵa faktisi boiynsha qylmystyq is qozǵaldy. Arnaiy komissiia oqiǵanyń barlyq sebepteri men mán-jailaryn anyqtaý maqsatynda tergeý is-sharalaryn júrgizýde. Qaza bolǵandardyń otbasylaryna jáne zardap shekken áskeri qyzmetshilerge qajetti materialdyq jáne psihologiialyq kómek kórsetiledi.
Eske sala keteiik, oqý-jaýyngerlik tapsyrmany oryndaý barysynda aýa raiynyń kenetten ári kúrt nasharlap, jeldiń ekpini kúsheiýine bailanysty ashyq teńizge 17 áskeri qyzmetshini alyp ketken bolatyn. Jedel qabyldanǵan sharalardyń nátijesinde úsh áskeri qyzmetshi qutqaryldy, taǵy ekeýin izdeý jumystary jalǵasýda. Ókinishke qarai, 12 áskeri qyzmetshi qaza tapty.
