Sot sheshimi boıynsha, Muradov 7,5 jylǵa sottaldy. Ol QR QK-niń 261-baby boıynsha kináli dep tanyldy.
Eske salaıyq, 18 maýsymda Álıhan Muradov «Kerýen» saýda ortalyǵy mańyndaǵy Kaspi Bank fılıalyna basyp kirip, mekeme ishindegi adamdardy kepilge aldy. Oqıǵa ornyna polısıa men arnaıy jasaq dereý jetip, jaqyn mańdaǵy úılerdiń barlyq turǵyndary evakýasıalandy. Basqynshy kepilge alynǵan adamdardy óltirýge nıetti ekenin málimdedi. Artynsha Muradov ustalyp, kepilge alynǵandar bosatyldy.
Tergeý málimetteri boıynsha, sottalýshynyń ótelmegen nesıeleri bolǵan, al qylmys jasalǵan kezde ol esirtkige mas bolǵan.
