Kásiptik mamandyq ár jastyń ómirlik muraty
Bul shara Elbasy Nursultan Ábishuly Nazarbaevtyń «100 naqty qadam» Ult josparynda belgilengendei, jumys mamandyqtarynyń áleýetin arttyrý jáne jalpy eńbek qoǵamyn qalyptastyrý boiynsha bergen tapsyrmalaryn júzege asyrý aiasynda júrgizilmek.
WorldSkills halyqaralyq qozǵalysynyń maqsaty – tehnikalyq mamandyqtardy nasihattaý, dúniejúzi boiynsha kásibi mamandar daiarlaý, sapasyn synaý, biliktilik mártebesin arttyrý. Búgingi tańda assotsiatsiianyń quramyna álemniń 75 memleketi kiredi.
Qazaqstan WorldSkills qozǵalysyna 2014 jyly enip, 2015 jyly elimizde alǵash ret ulttyq chempionatyn ótkizdi. Onda belgilengen 7 quzirettilik boiynsha 14 oblys jáne Astana, Almaty qalalarynyń 70-ke jýyq ókili qatysty.
Ulttyq jarystyń jeńimpazdary San-Paýlý qalasynda (Braziliia) ótken 43-shi «WorldSkills Competition – 2015» álem chempionatyna qatysyp, kásibi sheberlikterin kórsetti.
Biyl ótetin ulttyq jarystyń negizgi maqsaty – mamandyq ielerin áspettep, adamdardy kásip igerýge tartý. WorldSkills qozǵalysy elimizdiń jas mamandaryn yntalandyryp, álemdik chempionatta baq synaýyna múmkindik týǵyzbaq.
WSK ulttyq chempionaty Astana qalasynda 2016 jyldyń 12-15 qyrkúiek aralyǵynda ótkiziledi. Biylǵy báseke 15 quzirettilikti qamtidy. Olar: kirpish qalaý; sylaý jáne gipsokartonmen jumys isteý; maliarlyq jáne bezendirý jumystary; plitkamen qaptaý; elektr-montajdaý jumystary; veb-dizain; jelilik jáne júielik basqarý; mehatronika; dánekerleý jumystary; shashtaraz isi; meiramhana isi (aspaz); meiramhana qyzmeti; konditerlik is; mektepke deiingi tárbie; kiim úlgisi;
Jarysqa elimizdiń 16 óńirinen keletin 140 úmitkerdiń biliktiligin 140 sarapshy synamaq.
Taǵy bir qýantarlyq jaǵdai – aǵymdaǵy jyly Qazaqstan, EuroSkills halyqaralyq uiymyna múshelik etip, biylǵy jyldyń 30-qarashasy men 5-jeltoqsany aralyǵynda Shvetsiianyń Geteborg qalasynda ótetin chempionatqa joldaý aldy. Buǵan el qurama komandasyna engen ulttyq jarys jeńimpazdary qatysady.
«QmD» aqparat
