بۇل شارا ەلباسى نۇرسۇلتان ءابىش ۇلى نازاربايەۆتىڭ «100 ناقتى قادام» ۇلت جوسپارىندا بەلگىلەنگەندەي، جۇمىس ماماندىقتارىنىڭ الەۋەتىن ارتتىرۋ جانە جالپى ەڭبەك قوعامىن قالىپتاستىرۋ بويىنشا بەرگەن تاپسىرمالارىن جۇزەگە اسىرۋ اياسىندا جۇرگىزىلمەك.
WorldSkills حالىقارالىق قوزعالىسىنىڭ ماقساتى – تەحنيكالىق ماماندىقتاردى ناسيحاتتاۋ، دۇنيەجۇزى بويىنشا كاسىبي ماماندار دايارلاۋ، ساپاسىن سىناۋ، بىلىكتىلىك مارتەبەسىن ارتتىرۋ. بۇگىنگى تاڭدا اسسوسياسيانىڭ قۇرامىنا الەمنىڭ 75 مەملەكەتى كىرەدى.
قازاقستان WorldSkills قوزعالىسىنا 2014 جىلى ەنىپ، 2015 جىلى ەلىمىزدە العاش رەت ۇلتتىق چەمپيوناتىن وتكىزدى. وندا بەلگىلەنگەن 7 قۇزىرەتتىلىك بويىنشا 14 وبلىس جانە استانا، الماتى قالالارىنىڭ 70-كە جۋىق وكىلى قاتىستى.
ۇلتتىق جارىستىڭ جەڭىمپازدارى سان-پاۋلۋ قالاسىندا (برازيليا) وتكەن 43ء-شى «WorldSkills Competition – 2015» الەم چەمپيوناتىنا قاتىسىپ، كاسىبي شەبەرلىكتەرىن كورسەتتى.
بيىل وتەتىن ۇلتتىق جارىستىڭ نەگىزگى ماقساتى – ماماندىق يەلەرىن اسپەتتەپ، ادامداردى كاسىپ يگەرۋگە تارتۋ. WorldSkills قوزعالىسى ەلىمىزدىڭ جاس ماماندارىن ىنتالاندىرىپ، الەمدىك چەمپيوناتتا ب ا ق سىناۋىنا مۇمكىندىك تۋعىزباق.
WSK ۇلتتىق چەمپيوناتى استانا قالاسىندا 2016 جىلدىڭ 12-15 قىركۇيەك ارالىعىندا وتكىزىلەدى. بيىلعى باسەكە 15 قۇزىرەتتىلىكتى قامتيدى. ولار: كىرپىش قالاۋ؛ سىلاۋ جانە گيپسوكارتونمەن جۇمىس ىستەۋ؛ ماليارلىق جانە بەزەندىرۋ جۇمىستارى؛ پليتكامەن قاپتاۋ؛ ەلەكتر-مونتاجداۋ جۇمىستارى؛ ۆەب-ديزاين؛ جەلىلىك جانە جۇيەلىك باسقارۋ؛ مەحاترونيكا؛ دانەكەرلەۋ جۇمىستارى؛ شاشتاراز ءىسى؛ مەيرامحانا ءىسى (اسپاز)؛ مەيرامحانا قىزمەتى؛ كونديتەرلىك ءىس؛ مەكتەپكە دەيىنگى تاربيە؛ كيىم ۇلگىسى؛
جارىسقا ەلىمىزدىڭ 16 وڭىرىنەن كەلەتىن 140 ۇمىتكەردىڭ بىلىكتىلىگىن 140 ساراپشى سىناماق.
تاعى ءبىر قۋانتارلىق جاعداي – اعىمداعى جىلى قازاقستان، EuroSkills حالىقارالىق ۇيىمىنا مۇشەلىك ەتىپ، بيىلعى جىلدىڭ 30-قاراشاسى مەن 5-جەلتوقسانى ارالىعىندا شۆەسيانىڭ گەتەبورگ قالاسىندا وتەتىن چەمپيوناتقا جولداۋ الدى. بۇعان ەل قۇراما كومانداسىنا ەنگەن ۇلتتىق جارىس جەڭىمپازدارى قاتىسادى.
«قمد» اقپارات
