Almatynyń burynǵy ákimi Baqytjan Saǵyntaevtyń eks kúieý balasy, kásipker Baqyt Ibragimniń ólimine qatysty politsiia pikir bildirdi, - dep habarlaidy Dalanews.kz.
Almaty politsiia departamenti bul jaitty rastady. Sonymen qatar, sýitsid bolǵanyn málimdedi.
"Osy derek boiynsha "Ózin-ózi óltirýge itermeleý" baby boiynsha qylmystyq is qozǵaldy. Saraptama taǵaiyndaldy. Mán-jaiy anyqtalyp jatyr", - dedi politsiia.
2020 jyly Baqyt Ibragim Jomart Ertaevpen birge RBK Bank-te "qarjy jymqyrdy" dep sottalyp, byltyr kúzde bosap shyqqan edi.
Baqyt Ibragim 1985 jyly 28 mamyrda týǵan. Ol 39 jasta boldy.
Kásipkerdiń jeke ómirine qatysty málimet joqtyń qasy. Keibir málimetterde onyń burynǵy áieli Merýert Ábdir ekeni aitylady. Merýert Ábdir – Baqytjan Saǵyntaevtyń úlken qyzy.
