Mańǵystaý oblysynyń mamandandyrylǵan aýdanaralyq ákimshilik sotyna talap qoiýshy JK "M" jaýapker Aqtaý qalasynyń ákiminiń jer ýchaskesin berý týraly qaýlysyn shyǵarýdan bas tartý áreketin zańsyz dep taný týraly ákimshilik talappen júgingen, dep habarlaidy Dalanews.kz.
Sotta anyqtalǵany, JK "M" 11A shaǵyn aýdanynda ornalasqan kafe káýaphana jazǵy alańynyń jer ýchaskesin keńeitý maqsatynda "elektrondyq úkimet" veb-portaly arqyly Aqtaý qalasynyń ákimine 2023 jylǵy 24 qańtarda jer ýchaskesin berý týraly ótinishpen júgingen.
Jer komissiiasy oń qorytyndy berip, jerge orgnalastyrý jobasy ázirlenip, kelisý organdary málimdelgen nysanaly maqsaty boiynsha jer ýchaskesin berý múmkindigi týraly tiisti qorytyndylarn berilgen.
Aqtaý qalalyq jer qatynastar bólimi eki jer ýchaskesiniń tańdaý aktisin jáne jer-kadastrlyq josparyn bekitken.
Jer kodeksiniń talaptaryna sáikes qala ákiminiń jer ýchaskesine quqyq berý týraly sheshimi jer-kadastrlyq jospar bekitilgen kezden bastap bes jumys kúni ishinde qabyldanady.
Aqtaý qalalyq jer qatynastar bólimi JK "M" kafe káýaphana jazǵy alańyn keńeitý úshin óteýli jer paidalaný quqyǵyn berý týraly qaýly jobasyn ázirlep, qol qoiý úshin Aqtaý qalasynyń ákimine joldaǵan.
Aqtaý qalasynyń ákimi atalǵan qaýly jobasyna qol qoiýdan bas tartqan.
Sotta jaýapker ókili qaýly jobasyna qol qoiýdan bas tartý sebepterin túsindire almady.
ÁRPK-niń 129-babynyń 2-bóliginiń 1) tarmaǵynyń talaptaryna sai dáleldeý aýyrtpalyǵyn: daý aitý jónindegi talap qoiý boiynsha — aýyrtpalyq túsiretin ákimshilik aktini qabyldaǵan jaýapker kóteredi. Alaida jaýapker qandai negizdermen jer ýchaskesin bólýden bas tartqanyn dáleldegen joq.
Sot osynyń negizinde talapty qanaǵattandyryp, jaýapkermen jiberilgen buzýshylyqtardy boldyrmaý maqsatynda jeke uiǵarym shyǵaryldy.
Sottyń sheshimi zańdy kúshine endi.
