Meksikada iri esirtki karteliniń jetekshisi óltirilgennen keiin eldiń birneshe óńirinde jappai tártipsizdik bastalyp, shetel úkimetteri óz azamattaryna shuǵyl eskertý jasady, dep habarlaidy Dala News.
Meksika Qorǵanys ministrliginiń málimetinshe, «Halisko – Jańa býyn» (CJNG) karteliniń basshysy Nemesio El Mencho Osegera Servantes áskeri operatsiia kezinde joiylǵan. Osydan keiin qarýly toptar joldardy jaýyp, kólikterdi órtep, birqatar qalalarda búlik uiymdastyrǵan.
Halisko shtatynyń gýbernatory Pablo Lemýs óńirde «qyzyl kod» jariialap, tótenshe jaǵdai rejimin engizdi. Bilik qala kóshelerine áskeri bólimderdi shyǵardy. Eń iri oqiǵalar Gvadalahara men Pýerto-Valiarta qalalarynda tirkelgen.
Tártipsizdik Michoakan, Kolima jáne Tamaýlipas shtattaryna da taralǵan. Qaýipsizdik jaǵdaiyna bailanysty Meksikanyń birqatar áýe kompaniialary Halisko shtatyna reisterin toqtatty, al el boiynsha avtobýs qatynasy buzylǵan.
AQSh, Kanada, Ulybritaniia, Avstraliia jáne Úndistan úkimetteri óz azamattaryna qaýipsizdik sharalaryn kúsheitý týraly eskertý jasady. AQSh elshiligi azamattarǵa «qorshaǵan ortaǵa muqiiat bolýǵa, quqyq qorǵaý organdary áreket etip jatqan oryndardan aýlaq júrýge jáne qajetsiz qozǵalysty shekteýge» keńes berdi. Kanada biligi Pýerto-Valiartada ózin-ózi oqshaýlaý rejimi engizilgenin habarlap, Haliskoda júrgen azamattaryn jergilikti bilik nusqaýlaryn qatań saqtaýǵa shaqyrdy.
Oqiǵanyń mán-jaiy anyqtalyp jatyr. Alaida sarapshylar kartel basshysynyń joiylýy eldegi qylmystyq toptar arasyndaǵy kúsh tepe-teńdigin buzyp, ýaqytsha turaqsyzdyq týǵyzǵanyn aitady.
