Byltyr Túrkistan oblysynda úsh qyzmetkerdiń qaza bolýyna bailanysty sot sheshimi shyqty, dep habarlaidy Dalanews.kz.
Qaiǵyly oqiǵa 2024 jylǵy shildede bolǵan. Túrkistan oblysynda bes jumysshy káriz qudyǵyn tazartý úshin tómen túsken. Jumystar qajetti jeke qorǵaný quraldarynsyz jáne tiisti qaýipsizdik qamtamasyz etilmei júrgizilgen. Tuiyq keńistikte kúkirtsýtek jinalyp, sonyń saldarynan úsh adam qaza taýyp, taǵy ekeýi aýyr ýlaný alǵan.
Eńbekti qorǵaý qaǵidalaryn buzý faktisi boiynsha aiyp sý-káriz sharýashylyǵy ýchaskesiniń sheberi I.-ge taǵyldy. Tergeý organdary onyń jumystardy uiymdastyryp, qaýipti jumystardy oryndaý kezinde qaýipsizdikti qamtamasyz etýge mindetti bolǵanyn kórsetti.
Birinshi satydaǵy sot I.-ni aqtap, eńbekti qorǵaýdy qamtamasyz etý jónindegi mindetter oǵan zańda belgilengen tártippen júktelmegen degen qorytyndyǵa kelgen.
Apelliatsiialyq satydaǵy sot bul tujyrymmen kelispedi. Sot I.-niń is júzinde jumystarǵa basshylyq jasaǵanyn, nusqama júrgizgenin jáne qaýipsiz eńbek jaǵdailaryn uiymdastyrýǵa jaýapty bolǵanyn kórsetti. Aqtaý úkimi kúshin joiyp, aiyptaý úkimi shyǵaryldy. I. Qazaqstan Respýblikasy Qylmystyq kodeksiniń 156-babynyń 4-bóligi boiynsha 3 jyl merzimge bas bostandyǵynan aiyrýǵa jáne belgili bir laýazymdardy atqarý quqyǵynan aiyrýǵa sottaldy.
Sottalǵan I. úkimge kassatsiialyq tártippen shaǵym jasap, ózin aqtaýdy surady.
Kassatsiialyq sot is boiynsha I.-ni aqtaýǵa nemese ony qylmystyq jaýaptylyqtan bosatýǵa quqyqtyq negizder anyqtalmaǵan. Sonymen qatar sot eńbekti qorǵaýdy qamtamasyz etý jónindegi mindetter I.-ge is júzinde júktelgenin, olardyń oryndalmaǵanyn jáne adam ólimimen sebeptik bailanys bar ekenin tanydy.
Sondyqtan kassatsiialyq satydaǵy sot úsh jyl merzimge bas bostandyǵynan aiyrý túrindegi negizgi jazany ózgerissiz qaldyryldy.
