Kárim Kókirekbaev «BJZQ» Basqarma tóraiymy Nurbibi Naýryzbaevamen kezdesti
Kezdesý qorytyndysy boiynsha «Biryńǵai jinaqtaýshy zeinetaqy qory» men Jambyl oblysynyń ákimdigi arasynda qol qoiylǵan Memorandým aiasynda joǵaryda atalǵan máselelerdi sheshý boiynsha birlesken sharalar ótkizý kózdeldi. «Aqparattyq Qazaqstan – 2020» Memlekettik baǵdarlamasy aiasynda BJZQ men jergilikti atqarýshy organ arasynda áriptestik qarym-qatynas ornatyp, uzaq merzimdi, nátijeli jáne ózara tiimdi yntymaqtastyqty damytý uiǵaryldy. Memorandýmǵa sáikes BJZQ kásiporyndar men uiymdarda oblys turǵyndary arasynda aqparattyq-túsindirý jumystaryn júrgizip, jergilikti buqaralyq aqparat quraldarynda materialdar jariialaityn bolady. Óz kezeginde oblys ákimdigi bul sharalarǵa belsendi túrde qoldaý kórsetedi.
Resmi derekterge sáikes, Jambyl oblysy halqynyń sany 1 millionnan astam adamdy quraidy. Bul rette, olardyń ishinde 526 myńnan astam adam – ekonomikalyq turǵydan belsendi turǵyndar. Al olardyń ishinde 275 204 adam (ekonomikalyq turǵyda belsendi turǵyndardyń 52 paiyzy) jaldamaly jumyskerler bolsa, 225 909 adam (43%) ózin-ózi jumyspen qamtýshylar. 2017 jylǵy 1 mamyrdaǵy jaǵdai boiynsha ekonomikalyq turǵyda belsendi turǵyndardyń 87 paiyzy nemese 459 myń adamnyń BJZQ-da mindetti zeinetaqy shoty bar.
Aǵymdaǵy jyldyń 1 mamyryndaǵy jaǵdai boiynsha oblys turǵyndarynyń zeinetaqy jinaqtarynyń jalpy kólemi 228,1 mlrd teńge boldy. Oblys boiynsha zeinetaqy jinaqtarynyń úles salmaǵy Qazaqstan Respýblikasy boiynsha zeinetaqy jinaqtarynyń jalpy kóleminiń 3 paiyzyn quraidy. 2016 jyly zeinetaqy jarnalarynyń somasy respýblika boiynsha mindetti zeinetaqy jarnalary boiynsha túsimderdiń jalpy kóleminiń 3 paiyzyn nemese 22,5 mlrd teńgeni qurady.
Oblys boiynsha zeinetaqy jinaqtarynyń ortasha kólemi 526 myń teńge boldy. Bul rette 2016 jyly oblys turǵynynyń júzege asyrǵan ortasha naqty mindetti zeinetaqy jarnalarynyń (MZJ) somasy 6 807 teńge bolǵanyn aita ketken jón. Salystyryp qaraityn bolsaq, 2016 jyly Qazaqstan Respýblikasy boiynsha ortasha naqty mindetti zeinetaqy jarnalarynyń somasy 9 471 teńgeni qurady.
Búkil respýblika boiynsha BJZQ-nyń 231 derbes qyzmet kórsetý ortalyqtary bar. Jambyl oblysynda Qordyń 13 bólimshesi – oblys filialy men derbes qyzmet kórsetý ortalyqtary jumys isteidi. Ótken jyly olarda 304,8 myńnan astam operatsiia jasaldy. Jambyl oblysynda 139 980 adam aqparat berýdiń elektrondyq tásilin tańdaǵan.
2016 jyly salymshylarǵa (alýshylarǵa) kóshpeli qyzmet kórsetý boiynsha «Mobildik agent» jobasy iske qosyldy. Bul joba múmkindigi shekteýli jandarǵa qyzmet kórsetýge arnalǵan. 2016 jyly Qor filialdarynyń qyzmetkerleri 15 673 alýshymen bailanys ornatty. Jambyl oblysy aýmaǵynda 2 myńnan astam adamǵa qyzmet kórsetildi.
Jambyl oblysy ákiminiń baspasóz qyzmeti
