كەزدەسۋ قورىتىندىسى بويىنشا «ءبىرىڭعاي جيناقتاۋشى زەينەتاقى قورى» مەن جامبىل وبلىسىنىڭ اكىمدىگى اراسىندا قول قويىلعان مەموراندۋم اياسىندا جوعارىدا اتالعان ماسەلەلەردى شەشۋ بويىنشا بىرلەسكەن شارالار وتكىزۋ كوزدەلدى. «اقپاراتتىق قازاقستان – 2020» مەملەكەتتىك باعدارلاماسى اياسىندا بجزق مەن جەرگىلىكتى اتقارۋشى ورگان اراسىندا ارىپتەستىك قارىم-قاتىناس ورناتىپ، ۇزاق مەرزىمدى، ناتيجەلى جانە ءوزارا ءتيىمدى ىنتىماقتاستىقتى دامىتۋ ۇيعارىلدى. مەموراندۋمعا سايكەس بجزق كاسىپورىندار مەن ۇيىمداردا وبلىس تۇرعىندارى اراسىندا ءاقپاراتتىق-تۇسىندىرۋ جۇمىستارىن جۇرگىزىپ، جەرگىلىكتى بۇقارالىق اقپارات قۇرالدارىندا ماتەريالدار جاريالايتىن بولادى. ءوز كەزەگىندە وبلىس اكىمدىگى بۇل شارالارعا بەلسەندى تۇردە قولداۋ كورسەتەدى.
رەسمي دەرەكتەرگە سايكەس، جامبىل وبلىسى حالقىنىڭ سانى 1 ميلليوننان استام ادامدى قۇرايدى. بۇل رەتتە، ولاردىڭ ىشىندە 526 مىڭنان استام ادام – ەكونوميكالىق تۇرعىدان بەلسەندى تۇرعىندار. ال ولاردىڭ ىشىندە 275 204 ادام (ەكونوميكالىق تۇرعىدا بەلسەندى تۇرعىنداردىڭ 52 پايىزى) جالدامالى جۇمىسكەرلەر بولسا، 225 909 ادام (43%) ءوزىن-وزى جۇمىسپەن قامتۋشىلار. 2017 جىلعى 1 مامىرداعى جاعداي بويىنشا ەكونوميكالىق تۇرعىدا بەلسەندى تۇرعىنداردىڭ 87 پايىزى نەمەسە 459 مىڭ ادامنىڭ بجزق-دا مىندەتتى زەينەتاقى شوتى بار.
اعىمداعى جىلدىڭ 1 مامىرىنداعى جاعداي بويىنشا وبلىس تۇرعىندارىنىڭ زەينەتاقى جيناقتارىنىڭ جالپى كولەمى 228،1 ملرد تەڭگە بولدى. وبلىس بويىنشا زەينەتاقى جيناقتارىنىڭ ۇلەس سالماعى قازاقستان رەسپۋبليكاسى بويىنشا زەينەتاقى جيناقتارىنىڭ جالپى كولەمىنىڭ 3 پايىزىن قۇرايدى. 2016 جىلى زەينەتاقى جارنالارىنىڭ سوماسى رەسپۋبليكا بويىنشا مىندەتتى زەينەتاقى جارنالارى بويىنشا تۇسىمدەردىڭ جالپى كولەمىنىڭ 3 پايىزىن نەمەسە 22،5 ملرد تەڭگەنى قۇرادى.
وبلىس بويىنشا زەينەتاقى جيناقتارىنىڭ ورتاشا كولەمى 526 مىڭ تەڭگە بولدى. بۇل رەتتە 2016 جىلى وبلىس تۇرعىنىنىڭ جۇزەگە اسىرعان ورتاشا ناقتى مىندەتتى زەينەتاقى جارنالارىنىڭ (مزج) سوماسى 6 807 تەڭگە بولعانىن ايتا كەتكەن ءجون. سالىستىرىپ قارايتىن بولساق، 2016 جىلى قازاقستان رەسپۋبليكاسى بويىنشا ورتاشا ناقتى مىندەتتى زەينەتاقى جارنالارىنىڭ سوماسى 9 471 تەڭگەنى قۇرادى.
بۇكىل رەسپۋبليكا بويىنشا بجزق-نىڭ 231 دەربەس قىزمەت كورسەتۋ ورتالىقتارى بار. جامبىل وبلىسىندا قوردىڭ 13 بولىمشەسى – وبلىس فيليالى مەن دەربەس قىزمەت كورسەتۋ ورتالىقتارى جۇمىس ىستەيدى. وتكەن جىلى ولاردا 304،8 مىڭنان استام وپەراسيا جاسالدى. جامبىل وبلىسىندا 139 980 ادام اقپارات بەرۋدىڭ ەلەكتروندىق ءتاسىلىن تاڭداعان.
2016 جىلى سالىمشىلارعا (الۋشىلارعا) كوشپەلى قىزمەت كورسەتۋ بويىنشا «موبيلدىك اگەنت» جوباسى ىسكە قوسىلدى. بۇل جوبا مۇمكىندىگى شەكتەۋلى جاندارعا قىزمەت كورسەتۋگە ارنالعان. 2016 جىلى قور فيليالدارىنىڭ قىزمەتكەرلەرى 15 673 الۋشىمەن بايلانىس ورناتتى. جامبىل وبلىسى اۋماعىندا 2 مىڭنان استام ادامعا قىزمەت كورسەتىلدى.
جامبىل وبلىسى اكىمىنىڭ باسپا ءسوز قىزمەتى