Sonymen qatar, qoǵamdyq tamaqtaný oryndaryna jumys jáne demalys kúnderi saǵat 09.00-den 22.00-ge deiin qyzmet kórsetýge ruqsat berildi. Ǵimarattyń ishi 50%-ǵa deiin ǵana toltyrylýy tiis.
– Jańa Qaýly boiynsha oblystaǵy barlyq sporttyq is-sharalar toqtatylady. Biliard, boýling, kompiýterlik klýbtardyń qyzmetine, oiyn-saýyq ortalyqtaryndaǵy balalardyń oiyn alańshalaryna, attraktsiondardyń jumysyna tyiym salynady. Al teatrlarda buǵan deiin kórermenderdiń tolymdylyǵy 50%-ǵa deiin qyzmet kórsetip kelse, endi 20% tolymdylyqta qyzmet kórsetedi, – dedi Nurbek Sadyqbekuly.
Sondai-aq, brifingke qatysqan oblystyń bas dárigeri Marat Pashimov aǵymdaǵy jyldyń 14 sáýir kúni bir táýlikte «COVID-19» indetin juqtyrǵan 28 jaǵdai tirkelgendigin aitty.
– Aǵymdaǵy jyldyń 8-14 sáýir aralyǵynda koronavirýstyq infektsiiasymen 169 jaǵdai tirkelip, aýrýshańdyq aldyńǵy aptamen salystyrǵanda 45-ke joǵarylap otyr. Oblys boiynsha 610 infektsiialyq jáne 300 karantindik tósek-oryn uiymdastyrylǵan.
Búgingi tańda infektsiialyq tósek-oryndardyń júktemesi – 60,8%, al karantindik tósek-oryndarynyń júktemesi – 16%. «Spýtnik V» ekpesiniń oblysqa jalpy 43 400 dozasy jetkizildi. Búgingi kúnge deiin – 39 840 adam 1-komponentin qabyldady. Sonymen qatar, 22 aqpannan bastap revaktsinatsiia ótkizilýde, onyń 12 700 danasynan barlyǵy 11 665 adamǵa ekpe salyndy, – dedi Marat Orynbasaruly.
Túrkistan oblysynda sáýir aiynan bastap jalpyhalyqtyq erikti túrde ekpe saldyrý jumystary bastaldy. Algoritmge sáikes, qala jáne aýdan turǵyndary ekpeni jergilikti emhanalardyń egý kabinetterinde josparlanǵan tizim boiynsha jáne aldyn-ala jazylý tásili boiynsha saldyrady. Sondai-aq, vaktsinatsiia - jyljymaly pýnktterde júrgiziledi. Sonymen qatar, turǵyndar aldyn-ala «Egov» elektrondyq júiesi arqyly tirkelip, erikti túrde ekpe saldyra alady. Túrkistan qalasynda jalpy 10 vaktsinatsiialaý pýnktteri uiymdastyrylǵan. Kóshpeli egý brigadalardyń sany – 20.
