سونىمەن قاتار، قوعامدىق تاماقتانۋ ورىندارىنا جۇمىس جانە دەمالىس كۇندەرى ساعات 09.00-دەن 22.00-گە دەيىن قىزمەت كورسەتۋگە رۇقسات بەرىلدى. عيماراتتىڭ ءىشى 50%-عا دەيىن عانا تولتىرىلۋى ءتيىس.
– جاڭا قاۋلى بويىنشا وبلىستاعى بارلىق سپورتتىق ءىس-شارالار توقتاتىلادى. بيليارد، بوۋلينگ، كومپيۋتەرلىك كلۋبتاردىڭ قىزمەتىنە، ويىن-ساۋىق ورتالىقتارىنداعى بالالاردىڭ ويىن الاڭشالارىنا، اتتراكسيونداردىڭ جۇمىسىنا تىيىم سالىنادى. ال تەاترلاردا بۇعان دەيىن كورەرمەندەردىڭ تولىمدىلىعى 50%-عا دەيىن قىزمەت كورسەتىپ كەلسە، ەندى 20% تولىمدىلىقتا قىزمەت كورسەتەدى، – دەدى نۇربەك سادىقبەك ۇلى.
سونداي-اق، بريفينگكە قاتىسقان وبلىستىڭ باس دارىگەرى مارات پاشيموۆ اعىمداعى جىلدىڭ 14 ءساۋىر كۇنى ءبىر تاۋلىكتە «COVID-19» ىندەتىن جۇقتىرعان 28 جاعداي تىركەلگەندىگىن ايتتى.
– اعىمداعى جىلدىڭ 8-14 ءساۋىر ارالىعىندا كوروناۆيرۋستىق ينفەكسياسىمەن 169 جاعداي تىركەلىپ، اۋرۋشاڭدىق الدىڭعى اپتامەن سالىستىرعاندا 45-كە جوعارىلاپ وتىر. وبلىس بويىنشا 610 ينفەكسيالىق جانە 300 كارانتيندىك توسەك-ورىن ۇيىمداستىرىلعان.
بۇگىنگى تاڭدا ينفەكسيالىق توسەك-ورىنداردىڭ جۇكتەمەسى – 60،8%، ال كارانتيندىك توسەك-ورىندارىنىڭ جۇكتەمەسى – 16%. «سپۋتنيك V» ەكپەسىنىڭ وبلىسقا جالپى 43 400 دوزاسى جەتكىزىلدى. بۇگىنگى كۇنگە دەيىن – 39 840 ادام 1-كومپونەنتىن قابىلدادى. سونىمەن قاتار، 22 اقپاننان باستاپ ريەۆاكسيناسيا وتكىزىلۋدە، ونىڭ 12 700 داناسىنان بارلىعى 11 665 ادامعا ەكپە سالىندى، – دەدى مارات ورىنباسار ۇلى.
تۇركىستان وبلىسىندا ءساۋىر ايىنان باستاپ جالپىحالىقتىق ەرىكتى تۇردە ەكپە سالدىرۋ جۇمىستارى باستالدى. الگوريتمگە سايكەس، قالا جانە اۋدان تۇرعىندارى ەكپەنى جەرگىلىكتى ەمحانالاردىڭ ەگۋ كابينەتتەرىندە جوسپارلانعان ءتىزىم بويىنشا جانە الدىن-الا جازىلۋ ءتاسىلى بويىنشا سالدىرادى. سونداي-اق، ۆاكسيناسيا - جىلجىمالى پۋنكتتەردە جۇرگىزىلەدى. سونىمەن قاتار، تۇرعىندار الدىن-الا «Egov» ەلەكتروندىق جۇيەسى ارقىلى تىركەلىپ، ەرىكتى تۇردە ەكپە سالدىرا الادى. تۇركىستان قالاسىندا جالپى 10 ۆاكسيناسيالاۋ پۋنكتتەرى ۇيىمداستىرىلعان. كوشپەلى ەگۋ بريگادالاردىڭ سانى – 20.
