Kaliforniia soty Hrapýnovtyń isin qaraityn boldy
2014 jyly Almaty qalasynyń ákimdigi Kaliforniia shtatynyń sotyna qalanyń burynǵy ákimi Viktor Hrapýnovqa qatysty aryz qaldyrǵan bolatyn. Ákimdiktegiler aryzynda Hrapýnovtyń uiymdasqan qylmystyq toppen kúres pen jemqorlyqpen kúreske qatysty zańbuzýshylyqtary jaily, sondai-aq, Almaty qalasy turǵyndarynyń múddelerine jáne paidasyna qyzmet etý jónindegi mindetterdi buzý, bireýdiń múligin zańsyz ielenip alý men sol maqsattarda aldyn ala kelisim boiynsha qylmys jasaýy siiaqty zańbuzýshylyqtardy kórsetken.
Ádilet ministrliginiń baspasóz qyzmetiniń málimetinshe, Hrapýnovtar men onyń jalǵan kompaniialary aldyn ala málimet boiynsha, Almatydaǵy biýdjetten jymqyrǵan qarajattary arqyly Kaliforniiadaǵy jyljymaityn múlik nysandary men qymbat kólikterdi satyp alǵan. Alaida keiin bul málimdemeni Kaliforniia shtatynyń aimaqtyq soty qaraýdan bas tartqan edi.
Sodan Almaty ákimdigi men QR Ádilet ministrligindegiler Kaliforniia shtatynyń apelliatsiialyq sotyna narazylyq bildirip, ótinish qaldyrdy. Osylaisha ekinshi instantsiialy sot Qazaqstan Respýblikasynyń bul ótinishin qanaǵattandyryp, Aimaqtyq sottyń sheshimin ózgertti.
"Qazaqstan Respýblikasy AQSh-tyń sotyn óz pozitsiiasynyń durys ekendigine kóz jetkize bildi. Atalǵan sheshim jemqorlyqpen kúres salasyndaǵy úzdiksiz jumystyń nátijesi bolyp tabylady. Endi Almaty qalasynyń Hrapýnovtarǵa qarsy shaǵymy Kaliforniia sotynda qarastyrylatyn bolady", – dedi Ádilet ministrligindegiler.
Eske salaiyq, Almatynyń burynǵy ákimi Hrapýnovty 2014 jyly sotqa bergen edi. Derekkózi taratqan aqparatqa qaraǵanda, sotqa shaǵymdanýshy jaq aiyptalýshynyń esep-shottaryn jaýyp, zańsyz jolmen tabylǵan qarjynynyń barlyǵyn Almatynyń qazynasyna qaitarý kerektigin málimdegen.
Viktor Hrapýnov pen onyń áieli Láilá Hrapýnovaǵa qatysty Qazaqstanda uzyn sany 24 qylmystyq is qozǵalyp, qyzmet babyn asyra paidalandy, alaiaqtyq jolmen biýdjet qarjysyn jymqyrdy, zańsyz jekeshelendirý júrgizdi, zańsyz kiristerdi zańdastyryp aldy, para aldy, uiymdasqan qylmystyq topty qurdy jáne olarǵa jetekshilik etti degen aiyp taǵylǵan bolatyn. 2008 jylǵy sáýirde ol qazir otbasymen turyp jatqan Shveitsariiaǵa qonys aýdarǵan bolatyn. Al 2012 jyly qazanda Viktor Hrapýnovtyń áieli - Láiláǵa iri kólemdi alaiaqtyq jasaǵany úshin halyqaralyq izdeý jariialanǵan edi.
