Sońǵy kezde Resei men Orta Aziiany tóńirektep ketken Amerika rejissery Oliver Stoýnmen tildesken eks-prezident atom qarýyn saqtap qalý úshin ózine aqsha usynǵan adamdardyń bolǵanyn aitypty.
KSRO qulaǵasyn Liviia kósemi Mýammar Kaddafi Palestina lideri Iasir Arafatty araǵa salyp, Qazaqstannan iadrolyq qarýdy saqtap qalýdy suraǵan. Sóitip bizdiń eldiń Islam órkenietindegi iadrolyq qarýy bar memleketke ainalǵanyn qalaǵan eken.
Budan birjolata bas tartýǵa oqtalǵan Nazarbaevty oiynan ainytyp, 20 mlrd dollar aqsha usynǵan.
“Ol tusta atom arsenalynyń aýqymy boiynsha Qazaqstan álemde tórtinshi orynda turdy. Maǵan Batys pen AQSh-tyń shendi-shekpendileri arty-artynan aǵylyp kele bastady. Aldymen Margaret Tetchermen saýaldastyq. Keiin Amerikanyń Memhatshysy Djeims Beikermen tanystyq. Bári de raketalardy qaida jibererimizdi bilgisi keldi”, – deidi Stoýnmen syrlasqan Nazarbaev.
Islam elderiniń memleket basshylary sol tusta Qazaqstannyń Syrtqy ister ministrligin basqarǵan Toqaev kantseliariiasyna japatarmaǵai hat joldaǵan.
“Olar Qazaqstannyń islam elderi arasynda iadrolyq qarýy bar alǵashqy memleket atanǵanyn qalady”, – deidi eks-prezident.
Osy maqsatta Almatyǵa Palestina basshysy Iasir Arafat arnaiy kelip, Kaddafidiń sálemin jetkizgen.
“Mýammardyń sizge aitar buiymtaiy bar. Iadrolyq qarýdy qaiterińizdi bilgisi keledi” dedi ol. Soǵan qaraǵanda raketalardy satýdy surap kelgendei kórindi.
Mundai oi meniń miyma da kirip shyqpaǵan edi. Álgi jerde: “Bulardy kútip-baǵý qymbatqa túsedi. Qazaqstannyń qaltasy kótermeidi” dep jaýap qattym.
Arafat myrza, “qansha qarajat qajet?” dep eleń ete qaldy. Ol tusta aqshanyń, sonyń ishinde dollardyń qadirin bilmeitin edik. Ázildep, oiyma kelgendi sandy aita saldym, 20 mlrd... Shyny kerek, Arafat ta ázildep turǵandai kórindi”, – deidi eks-prezident.
Alaida Palestina basshysy Nazarbaevtyń sózin shyn qabyldap qalǵan. “Bunyńyzdy Kaddafige jetkizemin, aqshany aýdaryp jiberedi” dep jaýap qatqan.
“Sonymen, bul aqsha shotyńyzǵa tústi me?” degen Stoýnnyń saýalyna Nazarbaev: “Joq, meniń ony alatyn oiym bolǵan joq” dep jaýap beripti.
Amerika rejisseri men Qazaqstannyń eks-prezidenti arasyndaǵy eki saǵatqa sozylǵan derekti filmniń tusaýkeseri osy aptanyń beisenbisinde Máskeýde ótti. Joba jalpy sany 8 seriiadan turady. Resmi prezentatsiiasy Rim kinofestivalinde ótedi dep josparlanǵan.
Ázirlegen, Dýman BYQAI
