Prezident Qasym-Jomart Toqaev ǵalymdarǵa mańyzdy mindet júktedi, - dep habarlaidy Dalanews.kz.
"Jahandyq poliýster men memleketter arasynda kúsheie túsken básekelestik – jańa dáýirge qadam basqanymyzdyń aiqyn dáleli. Buryn eldiń ál-aýqaty aýmaǵynyń kólemine jáne halqynyń sanyna bailanysty bolsa, qazir tehnologiia men adam kapitalynyń sapasy aldyńǵy qatarǵa shyqty. Mysaly, HIH ǵasyrdyń basynda Jer shary halqynyń úshten birine jýyǵy Qytaiǵa tiesili bolǵan. Bul eldiń álemdik ekonomikadaǵy úlesi de osy shamada edi. Alaida HHI ǵasyrdyń basyna qarai jaǵdai túbegeili ózgerdi. Dúniejúzi halqynyń 5 paiyzy ǵana turatyn AQSh álemdik JIÓ-niń 20 paiyzyn ielendi.
Búginde ekonomikalyq báseke geosaiasi kúrestiń kezekti kezeńine ulasty. Osy oraida innovatsiianyń mańyzy arta túsedi. Álemdik damýdan shet qalmaý úshin elimizdi jan-jaqty jańǵyrtý qarqynyn údetý kerek. Biz órkeniettiń kóshin qýyp jetetin emes, basyp ozatyn modeldi negizge alýymyz qajet. Áitpese, saǵym qýyp júre beremiz.
Qolda bar resýrstyń bárin jáne básekelestik jolyndaǵy artyqshylyǵymyzdy tolyqtai paidalaný mańyzdy. Jahandyq ǵylymi-tehnikalyq revoliýtsiia jaǵdaiynda ǵalymdar men bilimpazdardyń róli birden artady. Alaida eń bai elderdiń ózi barlyq sala boiynsha joǵary deńgeide zertteý júrgize almaidy.
Tabysqa jetý úshin basym baǵyttardy aiqyndap alyp, ǵylymi qaýymdastyqtyń, memleket pen biznestiń kúsh-jigerin jumyldyrý kerek. Bul rette ǵalymdarymyz kabinetterinde typ-tynysh otyryp, tek teoriialyq izdenistermen shektelmei, naqty ispen jáne qoldanbaly zertteýlermen ainalysýǵa tiis", - dedi Toqaev.
"Kabinetterinde typ-tynysh otyryp, tek teoriialyq izdenistermen shektelmeý kerek" - Prezident ǵalymdarǵa
