Kabinetinde áiel zorlady degen kúdikke ilingen Taldyqorǵan politsiiasynyń eks-basshysy Marat Kúshtibaevty sot zalynan jedel járdem kóligimen alyp ketti, - dep habarlaidy Dalanews.kz.
Jetisý oblystyq sotynyń baspasóz qyzmeti sot otyrysy kezinde sottalýshy Kúshtibaevty jedel járdem kóligimen alyp ketkeni týraly aqparatty rastady.
"Qazirgi ýaqytta sottalýshy kardiologiialyq ortalyqta dárigerlerdiń baqylaýynda. Osyǵan bailanysty sot otyrysy keiinge shegerildi", - delingen habarlamada.
Aita keteiik, byltyr qarashada Taldyqorǵan politsiia basqarmasynyń basshysy áiel zorlady degen kúdikke ilingen edi.
Ishki ister ministrliginiń basshysy Erjan Sádenov Taldyqorǵan politsiiasy bastyǵynyń kabinetindegi zorlaý deregi boiynsha málimdeme jasady. Ol el azamattarynyń konstitýtsiialyq quqyqtaryn qorǵaityn politsiia qyzmetkeri úshin zań men tártip birinshi orynda bolýy keregin aitty.
Osy oqiǵadan keiin Jetisý oblystyq politsiia departamentiniń bastyǵy Atyǵai Arystanov qyzmetinen bosatyldy. Onyń birinshi orynbasary Jasulan Baikenovke eskertý berildi. Oblystyq departament bastyǵynyń kadr saiasaty jónindegi orynbasary Talant Jumabekov pen tergeý boiynsha orynbasary Maqsat Erejepov te óz qyzmetterinen bosatyldy.
