Kezdesý barysynda ol óziniń sailaýaldy baǵdarlamasymen tanystyryp, «Aýyl» partiiasy qyzmetiniń negizgi baǵyttary týraly aityp berdi, dep habarlaidy Dalanews.kz.
Qazaq ulttyq agrarlyq zertteý ýniversiteti 1930 jyly qurylǵan jáne búginde el ekonomikasynyń agrarlyq sektory úshin joǵary bilikti kadrlar daiarlaý baǵytyndaǵy jetekshi joǵary oqý orny bolyp tabylady. Qazirgi ýaqytta bilim ordasynda 2 myńnan astam qyzmetker eńbek etse, 8000-nan astam stýdent oqidy. Sonymen qatar, jumysqa ornalasý deńgeii 75% - dan asady, bul qazirgi eńbek naryǵyndaǵy óte joǵary kórsetkish.
Ýniversitettiń biregeiligi agrarlyq ǵylymnyń, bilim men óndiristiń tyǵyz bailanysty bolýynda. Stýdentter, magistranttar jáne doktoranttardy oqytý baǵdarlamasy olardyń ǵylymi zertteýlerge jáne ǵylymi-tehnikalyq jobalarǵa belsendi qatysýyna negizdelgen.
Álemniń jetekshi agrarlyq derjavalarynyń tájiribesi aýyl sharýashylyǵyn tabysty damytý tek ǵylym, bilim, óndiristiń integratsiiasy negizinde ǵana múmkin ekendigin dáleldedi. Bizdiń fermerler innovatsiialyq tehnologiialardy, jańa joǵary ónim tuqymdaryn engizgen jaǵdaida ǵana Qazaqstan azyq-túlik qaýipsizdigin qamtamasyz ete alady. Kandidattyń sailaýaldy baǵdarlamasy men «Aýyl» partiiasynyń negizgi jumysynda osy máselelerge erekshe kóńil bólingen.
«Qazaqstanda agrarlyq ǵylym, ǵalymdar bar ekendigin aitý kerek. Ókinishke qarai, olardyń ǵylymi-zertteý qyzmetiniń sapaly nátijeleri agrarlyq óndiriske jetpeidi. Iske asyrý júiesi jumys istemeidi. Fermerlerge jańa tehnologiialar men tuqymdar týraly bilim berý ortalyqtaryn qurýǵa erekshe nazar aýdara otyryp, osy baǵytta túbegeili ózgerister jasaý qajet. Naqty jumys isteitin ǵalymdar laiyqty jalaqy alýy úshin agrarlyq ǵylymdy qarjylandyrý júiesin ózgertýimiz tiis. Ǵylymi zertteýlerdi qarjylandyratyn agroqurylymdardy yntalandyrý máseleleri boiynsha zańnamadaǵy ózgeristerdi qisyndy sońyna deiin jetkizý qajet. Ǵylymi-zertteý institýttaryn qarjylandyrý keshendi jáne júieli bolǵany abzal. Ǵylymi mekemeler jumysyn toqtatýǵa ruqsat beretin sheneýnikter jaýapkershilikke tartylýy tiis», – dedi Jigýli Dairabaev.
Búginde agrarlyq ýniversitetter men ǵylymi-zertteý institýttarynyń damýy erekshe mańyzǵa ie, óitkeni olardyń qyzmetiniń nátijesi aýyl sharýashylyǵy ónimderiniń kólemin ulǵaitý men sapasyn arttyrýdyń, saladaǵy eńbek ónimdiliginiń, demek, aýyl eńbekkerleriniń tabysynyń negizi bolyp tabylady. Kandidat eldegi ǵylymi qyzmetti damytý úshin barynsha kúsh salýǵa nietti ekendigine sendirdi.
Kezdesý sońynda jinalǵandar Jigýli Dairabaev pen partiianyń prezidenttik sailaýdaǵy bastamalaryn qoldaýǵa daiyn ekendikterin jetkizdi.
