Jasandy intellekt bilim berý salasynda qarqyndy damyp jatqanymen, ol muǵalimdi tolyq almastyra almaidy. Bul týraly Raýan Kenjehanuly Freedom Talk alańynda aitty, dep habarlaidy Dalanews.kz
Onyń pikirinshe, personalizatsiia, sinhrondy jáne asinhrondy tsifrlyq tehnologiialar oqý protsesin tiimdi uiymdastyrýǵa qabiletti. Alaida mektep – tek bilim beretin oryn emes.
«Mektep – bul balanyń muǵalimmen jáne qurdastarymen qarym-qatynas jasaityn ortasy. Áleýmettený, pikir almasý, ortaǵa beiimdelý, munyń bári tulǵany qalyptastyratyn mańyzdy faktorlar. Sondyqtan muǵalimdi tehnologiiamen almastyrý múmkin emes», – dedi Raýan Kenjehanuly.
Onyń aitýynsha, mekteptegi tiri kommýnikatsiia balanyń emotsionaldyq intellektisin, jaýapkershiligin jáne komandalyq jumys daǵdylaryn damytady. Al jasandy intellekt bul protsesti tolyq kólemde qaitalai almaidy.
Sarapshynyń sózinshe, bolashaqta tehnologiialar muǵalimniń kómekshisine ainalýy múmkin, biraq onyń ornyn baspaidy.
