Qazaqstanda densaýlyq saqtaý salasyna jasandy intellekt jedel engizilip jatyr, dep habarlaidy Dalanews.kz.
Elde áleýmettik mańyzy bar aýrýlardy erte anyqtaýǵa baǵyttalǵan JI-jobalardyń basym tizimi bekitildi.
Negizgi baǵyttar qatarynda insýlt, ókpe obyry, sút bezi qaterli isigin erte diagnostikalaý jáne stomatologiialyq sýretterdi JI arqyly taldaý bar. Bul sheshimder qazirdiń ózinde meditsina praktikasyna engizilip, aýqymy keńeiip keledi.
Búginde Cerebra júiesi 5 óńirdegi 9 insýlt ortalyǵynda qoldanylady. WDsoft 10 óńirdegi 190 meditsinalyq uiymǵa engizilgen. AIDENTIS 65 stomatologiialyq klinika men 3 joǵary oqý ornynda jumys isteidi. Al ALIMA atty JI-assistent 700-den astam emhanada dárigerlerge kómek kórsetip otyr.
Respýblikalyq elektrondy densaýlyq saqtaý ortalyǵy meditsinalyq qyzmetterdi avtomatty baqylaýǵa, klinikalyq sheshim qabyldaýǵa qoldaý kórsetýge, zerthanalyq taldaýlardaǵy qaýipti aýytqýlardy der kezinde anyqtaýǵa arnalǵan JI-agentterdi ázirleýde.
Jobalar Tsifrlyq damý ministrliginiń esepteý resýrstary arqyly iske asyrylyp jatyr. Atap aitqanda, MIITsR bólgen grafikalyq protsessorlar men API-qoljetimdilik paidalanylýda.
Aldaǵy ýaqytta dárilik zattar men meditsinalyq buiymdardy saraptaityn JI-quraldaryn engizý, sondai-aq SmartEKG negizinde júrek jetkiliksizdigin erte anyqtaý jobalaryn iske qosý josparlanǵan.
