Jýrnalistke qatysty istiń núktesi qoiylady
Esterińizge sala keteiik, 2022 jyldyń 20 mamyrynda tekserý qorytyndysy boiynsha «Mańǵystaý Media» JShS bas esepshisi G.Súibergenovaǵa qatysty 57 000 000 teńge urlyq faktisi boiynsha qylmystyq is qozǵalǵan bolatyn. Kásiporynnyń burynǵy direktory A.Dýtbaeva bastapqyda qorǵaýǵa quqyǵy bar kýáger retinde jaýapqa tartylǵan. Alaida keiin kýáger kúdikti retinde jaýapqa tartylǵan, dep habarlaidy almaty aqshamy.
Qyzy Karina sottyń aiaqtalýǵa jaqyn ekenin rastady. Ókinishke qarai, ol sotta anasy A.Dýtbaevanyń qorǵaýshysy bolatyndyqtan sot otyrysyna qatysty túsinikteme bere almaityndyǵyn jetkizgen.
Dýtbaevanyń áleýmettik jelileriniń arqasynda redaktsiia ótken jyldyń qarasha aiynda Mańǵystaý oblysy boiynsha ekonomikalyq tergeý departamentiniń aryzy negizinde úiqamaqtan «qamaýǵa alý» týraly sheshim qabyldanǵany belgili boldy. Oǵan Facebook áleýmettik jelisindegi jeke paraqshasy arqyly Prezident Q.Toqaevtan kómek surap, resmi úndeý jariialaýy sebep bolǵan. Alty aidan keiin sot advokat A.Salimovtyń A.Dýtbaevaǵa qatysty bultartpaý sharasyn ózgertý týraly ótinishin qanaǵattandyryp, ol qamaýdan bosatylyp, úiqamaqqa alynǵan.
Sondai-aq, A.Dútbaevaǵa alǵashynda esepshimen sóz bailasý arqyly 57 000 000 teńgeni urlady degen aiyp taǵylǵanyn aita ketken jón. Alaida prokýrorlyq tekserý men saraptamadan keiin bul soma 4 million teńgege deiin azaiyp, aiyp 189-babtyń 3-bólimi (urlyq) bolyp ózgertildi. Búgingi tańda burynǵy direktorǵa taǵy eki bap boiynsha: QR Qylmystyq kodeksiniń 371 babynyń 1 bóligi jáne 423 baby boiynsha aiyp taǵylyp otyr.
Tergeýshilerdiń aitýynsha, A.Dútbaeva jumystan bosatylǵannan keiin «Mańǵystaý Media» JShS-niń jańa direktory kezinde de urlyq jalǵasqan. G.Súibergenova úsh bap boiynsha, 189 3-bóliminiń 1-tarmaǵy, 189 baptyń 4 bóliminiń 2-tarmaqshasy, 189 baptyń 3 bóliminiń 1-tarmaqshasy boiynsha aiyp taǵylǵan.
Aisulý Dútbaeva – belgili qoǵam qairatkeri. Onyń qaiyrymdylyq jasaý arqyly 5 az qamtylǵan otbasyǵa demeýshilerdiń kómegimen páter alǵany ashyq aqparat kózderinen belgili. Ol sondai-aq 2019 jylǵy Prezident sailaýy kezinde Qasym-Jomart Toqaevtyń resmi senimdi ókili bolǵan. Osy jyldar ishinde ol buqaralyq aqparat quraldarynda jaýapty qyzmetterdi atqardy. «Mańǵystaý Media» JShS-ne daǵdarys menedjeri retinde jumysqa alynǵan. A.Dútbaevanyń jetekshiligimen jumysshylardyń jalaqysy 15-ten 35%-ǵa deiin kóterilip, kásiporyn óz betinshe tabys taýyp, memleketke tabys ákelgen. Sonymen qatar, mekeme tozyǵy jetken, apatty ǵimarattan qala ortalyǵyndaǵy jańa, zamanaýi ǵimaratqa kóshken.
Osy ýaqyt ishinde kóptegen qoǵamdyq pikir kóshbasshylary, saiasatkerler, bizne ókilderi, óner qairatkerleri, jýrnalister men din qyzmetkerleri Facebook jáne Instagram áleýmettik jelilerinde Aisulý Dútbaevany qoldap, pikir bildirdi. Olardyń qatarynda: Qazaqstan Respýblikasy Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń múshesi, zańger Nurasheva Bibigúl, qazaqstandyq skripkashy Aida Aiýpova, jazýshy Sáýle Dosjanova, álemge áigili opera ánshisi, aqyn Almas Erlan Jandarbaev, aqyn Almas Ahmetbekuly, jerlesteri Rinat Zaiytov pen Qazaqstan Jazýshylar odaǵy Astana filialynyń direktory Dáýletkerei Kápuly jáne t.b. Olardyń barlyǵy da sottyń ádil ótetinine senim bildirip, aiyptalýshyǵa qoldaý kórsetken edi.
Mańǵystaýlyq bloger ári belsendi Meken Aishýaq Dútbaeva tergeý izoliatorynda jatqanda onyń bultartpaý sharasyn ózgertý týraly máseleni birneshe ret kótergen edi.
Biz 12 qyrkúiekte sot oǵan qatysty ádil sheshim shyǵarady dep senemiz. Jaqynda Aisulýdy taǵy da qatarymyzdan kóremiz dep úmittenemiz.
