Jýrnalist Dana Nurjigit burynǵy kúieýimen intim foto-videolardy jariialaǵany úshin sottasqan, - dep habarlaidy Dalanews.kz.
2019 jyly Dana Nurjigit ekinshi ret turmysqa shyǵyp, 2022 jyly erli-zaiypty ekige ketken.
«Ómirimde alǵash ret ol qońyraý shalmaýy, jaqyndamaýy úshin qorǵanys týraly buiryq shyǵaryldy. Elestetip kórińizshi, basseinde júzip júrsem, súńgip ketsem, sol adam aldymda turady. Aýrýhanada, kóshede de sondai jaǵdailar bolýy múmkin edi. Tynysh júre almadym, barlyq jerde ańdyp júrgendei kúi keshtim. Jelide paraqshamda, shynaiy ómirde, efirden keiin bul qorqynyshty tústei boldy. Dál osyndai kúidi 2022 jyldyń ekinshi jartysynan bastap 2023 jyly da basymnan keshtim, 2024 jyly 13 maýsymda úkim kúshine endi», - dedi Dana Nurjigit jýrnalist Dinara Sátjanǵa bergen suhbatynda.
Jýrnalistiń aitýynsha, ajyrasqan soń burynǵy kúieýi qyr sońynan qalmaǵan. Aqyr aiaǵynda telejúrgizýshi politsiiaǵa jáne psihoterapevterge júginýge májbúr bolǵan.
«Bas prokýratýrada QR QK-ne kiberstalking terminin engizý qajet ekeni aityldy. Qatty qýandym, biraq ózim osylai ómir súrip jatqanymdy eshkimge aita almadym. Onyń ústine shynaiy ómirde túrli qiyn jaǵdailarǵa tap boldym, birese E-ótinish platformasynda meni jamandaityn nárseler jazdy. Al E-ótinish — isti qaraýǵa mindetti ýákiletti organ jáne meni osy isti talqylaýǵa shaqyrdy, olar azamattardyń hattaryn qaraýǵa mindetti», - dedi Dana Nurjigit.
Onyń sózinshe, bul jaǵdaidyń bári onyń densaýlyǵyna da keri áserin tigizgen.
«Bul oqiǵa meni súiikti kásibim men densaýlyǵymnan aiyrdy. Efirge shyǵa almadym, qatty kúizeldim, kúiredim», - dedi jýrnalist.
Sonymen birge, suhbatta Dana Nurjigit stalking taqyrybyn jáne onymen qalai betpe-bet kelgenin aitty.
Jýrnalist burynǵy jubaiymen intim sipattaǵy materialdardy jariialaǵany úshin sottasqany belgili boldy. Ol sotta burynǵy kúieýiniń kináli ekenin dáleldegen.
