Jýrnalist Ashat Sadyrbaiǵa qatysty qylmystyq is qozǵaldy. Tergeý burynǵy jubaiy Aiǵanym Bolatqyzynyń aryzy negizinde bastalǵan, dep habarlaidy Dalanews.kz Todayinfo-ǵa silteme jasap. Eki tarap arasyndaǵy daý birneshe jyldan beri jalǵasyp keledi. Ashat Sadyrbaiǵa qatysty qylmystyq is qozǵalǵanyn tergeý organdary rastady. Isti Astana qalasy Politsiia departamentiniń Esil aýdandyq politsiia basqarmasy júrgizip jatyr.
Astana qalalyq PD jýrnalistke qatysty sotqa deiingi tergep-tekserý bastalǵanyn resmi túrde rastaǵan.
Politsiianyń jaýabynda 1992 jyly týǵan Aiǵanym Bolatqyzy Qorabaeva aýmaqtyq tiesiligi boiynsha Astana qalasy Esil aýdandyq politsiia basqarmasyna aryzdanǵany kórsetilgen. Ol burynǵy jubaiy, 1986 jyly týǵan Ashat Muratuly Sadyrbaevqa qatysty shara qoldanýdy suraǵan.
Atalǵan aryzǵa bailanysty 2025 jylǵy 9 qazanda Qazaqstan Respýblikasy Qylmystyq kodeksiniń 110-babynyń 2-bóliginde kózdelgen qylmys belgileri boiynsha №257116031000977 nómirli sotqa deiingi tergep-tekserý bastalǵan.
Aiǵanym Bolatqyzy buǵan deiin burynǵy kúieýiniń ózin azaptap, uryp-soqqany jóninde kópshilik aldynda málimdep, quqyq qorǵaý organdarynan da, qoǵamnan da kómek suraǵan. Al Ashat Sadyrbai bul aiyptaýlardy joqqa shyǵaryp, olardy jala dep ataǵan. Tipti jýrnalist eks-jubaiyn sotqa berip, jeńiske jetkenin de aitqan. Alaida Aiǵanym Bolatqyzy da bul isti toqtatpai, alǵan jaraqattaryn kórsetip, qaitadan aryz túsirgen.
Politsiia málimetinshe, qazirgi tańda is aiasynda sot-meditsinalyq saraptamalar taǵaiyndalyp, sotqa deiingi tergep-tekserý amaldary júrgizilip jatyr.
Sonymen birge Qylmystyq-protsestik kodekstiń 201-babyna sáikes, tergeý derekteri jariialanbaityny atap ótildi.
