Joǵarǵy cot jumystan bosatylǵan kúzet bólimi baqylaýshysynyń talap aryzyn qanaǵattandyryp, ony aqtap shyqty, dep habarlaıdy Dalanews.kz.
Joǵarǵy cottyń málimetinshe qylmystyq-atqarý júıesi mekemesiniń rejım jáne kúzet bóliminiń baqylaýshysy laýazymynda qyzmet atqaryp júrgen aǵa serjant qalalyq aýrýhanada tergeýde bolǵan áıeldi dáliz mańyndaǵy esiktiń qasynda kúzetip turǵan. Kúdikti otyrǵan bólmede ádilet leıtenanty ınspektor-psıholog bolǵan.
"Tańǵy saǵat 4 shamasynda kúdikti ony kúzetip turǵan ádilet leıtenantynyń uıyqtap ketkenin paıdalanyp, tósektiń eki jaımasyn jylytý batareıasyna baılap, tereze arqyly tómenge túsip, qashyp ketken. Keıinnen kúdikti ustalyp, qylmystyq-atqarý júıesi mekemesine qamalǵan", - dep jazylǵan habarlamada.
Qyzmettik tártipti óreskel buzǵany úshin kúzet bóliminiń baqylaýshysy qyzmetinen bosatyldy. Ol munymen kelispeı, jumysyn qaıta qalpyna keltirý úshin sotqa júgindi. Alaıda jergilikti sottar jumystan bosatýdyń zańdylyǵyn kórsetip, talap aryzdy qanaǵattandyrýdan bas tartqan.
Joǵarǵy sot isti qarap, kelesi sebepter boıynsha talap aryzdy qanaǵattandyrdy:
QR "Quqyq qorǵaý qyzmeti týraly" zańynda qyzmettik tártipti óreskel buzý negizderiniń naqty tizbesi kórsetilgen, biraq talap qoıýshyǵa taǵylǵan zań buzýshylyq olardyń quramyna kirmeıdi jáne onymen eńbek shartyn buzýǵa negiz bola almaıdy.
Talap qoıýshy (er adam) áıeldi kúzetpeýi kerek edi, óıtkeni Qylmystyq-atqarý júıesiniń tergeý ızolátoryndaǵy adamdardy qorǵaý jáne qadaǵalaý qaǵıdalaryna sáıkes, eger kúdikti nemese aıyptalýshy áıel aýrýhanaǵa jatqyzylsa, onda ony kúzetý úshin áıel baqylaýshylar taǵaıyndalady.
Sonymen qatar tergeýdegi adamdy kúzetý jumysyn uıymdastyrýda zań buzýshylyqtarǵa jol berilgen jáne kúdiktini terezeleri tormen jabdyqtalmaǵan, jeke esigi joq bólmege ornalastyrǵan.
