Qyrǵyzstannyń Nookat aýdany memlekettik statısıka bóliminiń basshysy Rasýlbek Tashov Internette taraǵan vıdeoǵa qatysty túsinikteme berdi. Vıdeoda onyń keńsesinde birneshe adam uıyqtap jatqan, al ústel ústinde spırttik jáne basqa da sýsyndar bolǵan.

Onyń sózine qaraǵanda, bul jazba prezıdenttik saılaý ótken 16 qazannan bir kúnnen keıin, qarsylastary jamanatty etip kórsetý úshin túsirgen:

– Men ol kúni shyryn ishtim. Meniń jaýlarym oǵan dımedrol qosyp qoıypty. Vıdeo meni qaralaý úshin túsirgen. Men spırttik ishimdik ishpeımin. Meniń qasymda mılısıa qyzmetkeri emes, qarapaıym turǵyn otyrdy, – deıdi.

Tashovtyń sózine qaraǵanda, onyń qarsylastary – aýdannyń statısıka bóliminiń burynǵy basshysy Baıysh Dýbanaevpen birge istegender.

Eske salaıyq, 9 qańtarda Internette Tashov keńsesinde ústel basynda uıyqtap jatqan eki adam túsirilgen vıdeo tarady. Ústel basynda spırttik ishimdiktiń bos shólmekteri turǵan. Jergilikti aqparat quraldary sheneýniktiń qasyndaǵy er azamatty Shookat ishki ister basqarmasynyń basshysy dep jazdy. Atalǵan mekeme bul aqparatty joqqa shyǵardy.

 

https://www.youtube.com/watch?v=j5AjTg1hEpM