Jumys ornynda qaıtys bolǵan oraldyq sýdıanyń uly 48 mıllıon teńge óndirip aldy

Kórkem Aldabergenova 07 maý. 2024 10:01 3505

Jumys ornynda qaıtys bolǵan sýdıanyń uly 48 mıllıon teńge óndirip aldy, - dep habarlaıdy Dalanews.kz

Oraldaǵy qalalyq sottyń sýdıasy Nurlan Gýbaev byltyr 10 naýryzda qaıtys bolǵan. 55 jastaǵy er adam jumys ornynda kenet ózin nashar sezine bastaǵan. Sýdıa jedel járdem kelgenshe qaıtys bolyp ketken. 

Qaıǵyly oqıǵany tergeý boıynsha komısıa jazataıym oqıǵa jumysymen baılanysty emes ekenin jáne esepke alynbaıtynyn aıtqan. Nurlan Gýbashevtyń ólimine "júrek tamponadasymen asqynǵan kóteriletin qolqa doǵasynyń nevrozmasy, kóterilý doǵasynyń anevrızmasynyń jarylýy" sebep boldy.

Nurlan Gýbashevtyń uly komısıanyń bul sheshimimen kelispeı, sotqa júgingen. Ol sýdıa ulyn jalǵyz tárbıelegenin atap ótken. Sonymen qatar, ákesiniń ólimi qyzmetimen baılanysty ekenin rastap, alpys aılyq jalaqysy - 48 mıllıon teńge ótemaqy retinde berýdi suraǵan. Sýdıanyń jalaqysy 800 789 teńge bolǵan. 

Sot is materıaldaryn zerttep, № 2 sot sýdıanyń ulynyń ótinishin qanaǵattandyryp,Gýbashevtyń ólimi qyzmetimen baılanysty ekenin moıyndaǵan. Osylaısha marqum sýdıanyń 48 mıllıon teńge óndirip aldy.  


Usynylǵan
Sońǵy jańalyqtar