Otbasy bank biyl «Jumysshy mamandyqtary jyly» ekenin eskere kele, kezekti ret baspanaly bolýǵa kómektesetin forým ótkizdi. Bul is-shara – «Forum 360: komandaǵa qamqorlyq – tabysty investitsiia» dep atalady. Ony ótkizýdegi maqsat – kásipkerlerge bank ónimderiniń basty artyqshylyqtaryn túsindirip, halyqtyń baspanaly bolýyna járdemdesý.
Baǵdarlamaǵa kimder qatysa alady
Memleket basshysy Qasym-Jomart Toqaev jumysshylardyń eńbegin baǵalaýǵa shaqyrǵan soń Otbasy bank te eńbek adamdaryna qarai mańyzdy qadam jasaǵan. Qazaqstanda alǵash ret «Naýryz jumysker» atty jańa baǵyt iske qosylǵan. Sonyń arqasynda jumysshy mamandyq ieleri óziniń turǵyn úi jaǵdaiyn jaqsartyp, áleýmettik turaqtylyq pen bolashaqqa senimin nyǵaityp jatyr.
Otbasy bank basqarma tóraiymy Lázzat Ibragimova osy baǵdarlama sheńberinde ótinimder 2025 jyldyń 17 naýryzynan bastap qabyldana bastaǵanyn aitty. Onyń sózinshe, «Naýryz jumysker» baǵytyna ónerkásip, qurylys, energetika, kólik, aýyl sharýashylyǵy, sý resýrstary jáne irrigatsiia salasyndaǵy jumysshy mamandyq ókilderi qatysa alady. Jańa bastama Qazaqstandaǵy 8 230 jumysshy mamandyqty qamtyǵan. Olarǵa berilgen qaryzdyń jalpy kólemi – 46,1 mlrd teńge. Sondai-aq 457 ótinim rásimdelý satysynda tur, olardyń somasy 13,1 mlrd teńgeni quraidy.
«Naýryz jumysker» jobasy baiqaý ótkizbei jáne qatysýshylardy iriktemei iske asyrylady. Nesiege ótinimderdi bank filialdarynyń qyzmetkerleri qabyldaidy. Ótinish berý úshin bank bekitken úlgi boiynsha jumys ornynan anyqtama ákelý qajet. Bul úlgini banktiń resmi saitynan tabýǵa bolady», – deidi Lázzat Ibragimova.
«Korporativtik» ónimniń basymdyǵy nede
Otbasy bankte jumysshy kadrlardy áleýmettik qoldaýdyń taǵy bir tiimdi tetigi bar. Ol – «Korporativtik» ónim. Bul baǵdarlama shamamen 500 zaýyt jumysshylaryna, energetikterge, kenshilerge, metallýrgterge, munaishylarǵa, meditsina qyzmetkerlerine jumys berýshisi men Otbasy bankiniń qoldaýymen qonys toiyn toilaýǵa múmkindik bergen. Onyń tetigi mynadai: kompaniia nemese kásiporyn qarjy bóledi. Qarjy tartý mólsherlemesi – 0,01%-dan bastap, merzimi – 8 jylǵa deiin. Osy qarajat esebinen Otbasy bank kásiporyn qyzmetkerlerine 5%-dan (JTSM – 5,2%-5,3%) bastalatyn mólsherlememen nesie beredi. «Korporativtik» ónim 2019 jyly iske qosylǵan. Sol ýaqyttan beri bul tiimdi quraldy 25 kásiporyn men kompaniia paidalanǵan.
Atalǵan ónim arqyly seriktestik jasaýdyń úshin negizgi úsh jol bar: birinshiden, kompaniia nemese kásiporyn bankke aqsha bóledi (nesie nemese obligatsiialyq nesie túrinde), osy qarajat arqyly qyzmetkerlerge qoljetimdi nesie beriledi. Ekinshiden, uiym qaitarylatyn nemese qaitarylmaityn nesie túrinde óz qyzmetkerlerine aralyq nesieni alý úshin bastapqy jarna qarajatyn beredi. Úshinshi jol - satyp alý quqyǵymen jaldaý. Kásiporyn óz qyzmetkerlerine daiyn páter usynady. Qyzmetker páterge jaiǵasyr, keiin nesie alý úshin «Otbasy» bankindegi depozitke bastapqy jarna jinaidy.
«Astana Tazalyq» mekemesiniń ókili Symbat Kakimova ózi jumys isteitin mekeme jumysshylaryna baspananyń baǵasynyń 50 paiyzyn (eshqandai paiyz qospaidy) jaýyp berýge kómektesetinin aitady. Sonyń arqasynda Symbat Otbasy banktiń arqasynda úige qol jetkizgen.
«Baspana baǵasynyń qalǵan 50 paiyzyn Otbasy bank 50/50 baǵdarlamasymen ipoteka retinde beredi. Bizdiń mekemede 1300 adam jumys isteidi. Biz biyl endi ǵana bastap jatyrmyz. Qyzmetkerlerimiz bankke júgingende olardyń tólem qabilettiligi tekseriledi», – deidi Symbat Kakimova.
Otbasy bank osyndai ónimderin usynyp, kásipkerlerdi seriktestikke shaqyryp otyr.
