وتباسى بانك بيىل «جۇمىسشى ماماندىقتارى جىلى» ەكەنىن ەسكەرە كەلە، كەزەكتى رەت باسپانالى بولۋعا كومەكتەسەتىن فورۋم وتكىزدى. بۇل ءىس-شارا – «Forum 360: كومانداعا قامقورلىق – تابىستى ينۆەستيسيا» دەپ اتالادى. ونى وتكىزۋدەگى ماقسات – كاسىپكەرلەرگە بانك ونىمدەرىنىڭ باستى ارتىقشىلىقتارىن ءتۇسىندىرىپ، حالىقتىڭ باسپانالى بولۋىنا جاردەمدەسۋ.
باعدارلاماعا كىمدەر قاتىسا الادى
مەملەكەت باسشىسى قاسىم-جومارت توقايەۆ جۇمىسشىلاردىڭ ەڭبەگىن باعالاۋعا شاقىرعان سوڭ وتباسى بانك تە ەڭبەك ادامدارىنا قاراي ماڭىزدى قادام جاساعان. قازاقستاندا العاش رەت «ناۋرىز جۇمىسكەر» اتتى جاڭا باعىت ىسكە قوسىلعان. سونىڭ ارقاسىندا جۇمىسشى ماماندىق يەلەرى ءوزىنىڭ تۇرعىن ءۇي جاعدايىن جاقسارتىپ، الەۋمەتتىك تۇراقتىلىق پەن بولاشاققا سەنىمىن نىعايتىپ جاتىر.
وتباسى بانك باسقارما ءتورايىمى ءلاززات يبراگيموۆا وسى باعدارلاما شەڭبەرىندە وتىنىمدەر 2025 جىلدىڭ 17 ناۋرىزىنان باستاپ قابىلدانا باستاعانىن ايتتى. ونىڭ سوزىنشە، «ناۋرىز جۇمىسكەر» باعىتىنا ونەركاسىپ، قۇرىلىس، ەنەرگەتيكا، كولىك، اۋىل شارۋاشىلىعى، سۋ رەسۋرستارى جانە يرريگاسيا سالاسىنداعى جۇمىسشى ماماندىق وكىلدەرى قاتىسا الادى. جاڭا باستاما قازاقستانداعى 8 230 جۇمىسشى ماماندىقتى قامتىعان. ولارعا بەرىلگەن قارىزدىڭ جالپى كولەمى – 46،1 ملرد تەڭگە. سونداي-اق 457 ءوتىنىم راسىمدەلۋ ساتىسىندا تۇر، ولاردىڭ سوماسى 13،1 ملرد تەڭگەنى قۇرايدى.
«ناۋرىز جۇمىسكەر» جوباسى بايقاۋ وتكىزبەي جانە قاتىسۋشىلاردى ىرىكتەمەي ىسكە اسىرىلادى. نەسيەگە وتىنىمدەردى بانك فيليالدارىنىڭ قىزمەتكەرلەرى قابىلدايدى. ءوتىنىش بەرۋ ءۇشىن بانك بەكىتكەن ۇلگى بويىنشا جۇمىس ورنىنان انىقتاما اكەلۋ قاجەت. بۇل ۇلگىنى بانكتىڭ رەسمي سايتىنان تابۋعا بولادى»، – دەيدى ءلاززات يبراگيموۆا.
«كورپوراتيۆتىك» ءونىمنىڭ باسىمدىعى نەدە
وتباسى بانكتە جۇمىسشى كادرلاردى الەۋمەتتىك قولداۋدىڭ تاعى ءبىر ءتيىمدى تەتىگى بار. ول – «كورپوراتيۆتىك» ءونىم. بۇل باعدارلاما شامامەن 500 زاۋىت جۇمىسشىلارىنا، ەنەرگەتيكتەرگە، كەنشىلەرگە، مەتاللۋرگتەرگە، مۇنايشىلارعا، مەديسينا قىزمەتكەرلەرىنە جۇمىس بەرۋشىسى مەن وتباسى بانكىنىڭ قولداۋىمەن قونىس تويىن تويلاۋعا مۇمكىندىك بەرگەن. ونىڭ تەتىگى مىناداي: كومپانيا نەمەسە كاسىپورىن قارجى بولەدى. قارجى تارتۋ مولشەرلەمەسى – 0،01%-دان باستاپ، مەرزىمى – 8 جىلعا دەيىن. وسى قاراجات ەسەبىنەن وتباسى بانك كاسىپورىن قىزمەتكەرلەرىنە 5%-دان (جتسم – 5،2%-5،3%) باستالاتىن مولشەرلەمەمەن نەسيە بەرەدى. «كورپوراتيۆتىك» ءونىم 2019 جىلى ىسكە قوسىلعان. سول ۋاقىتتان بەرى بۇل ءتيىمدى قۇرالدى 25 كاسىپورىن مەن كومپانيا پايدالانعان.
اتالعان ءونىم ارقىلى سەرىكتەستىك جاساۋدىڭ ءۇشىن نەگىزگى ءۇش جول بار: بىرىنشىدەن، كومپانيا نەمەسە كاسىپورىن بانككە اقشا بولەدى (نەسيە نەمەسە وبليگاسيالىق نەسيە تۇرىندە)، وسى قاراجات ارقىلى قىزمەتكەرلەرگە قولجەتىمدى نەسيە بەرىلەدى. ەكىنشىدەن، ۇيىم قايتارىلاتىن نەمەسە قايتارىلمايتىن نەسيە تۇرىندە ءوز قىزمەتكەرلەرىنە ارالىق نەسيەنى الۋ ءۇشىن باستاپقى جارنا قاراجاتىن بەرەدى. ءۇشىنشى جول - ساتىپ الۋ قۇقىعىمەن جالداۋ. كاسىپورىن ءوز قىزمەتكەرلەرىنە دايىن پاتەر ۇسىنادى. قىزمەتكەر پاتەرگە جايعاسىر، كەيىن نەسيە الۋ ءۇشىن «وتباسى» بانكىندەگى دەپوزيتكە باستاپقى جارنا جينايدى.
«استانا تازالىق» مەكەمەسىنىڭ وكىلى سىمبات كاكيموۆا ءوزى جۇمىس ىستەيتىن مەكەمە جۇمىسشىلارىنا باسپانانىڭ باعاسىنىڭ 50 پايىزىن (ەشقانداي پايىز قوسپايدى) جاۋىپ بەرۋگە كومەكتەسەتىنىن ايتادى. سونىڭ ارقاسىندا سىمبات وتباسى بانكتىڭ ارقاسىندا ۇيگە قول جەتكىزگەن.
«باسپانا باعاسىنىڭ قالعان 50 پايىزىن وتباسى بانك 50/50 باعدارلاماسىمەن يپوتەكا رەتىندە بەرەدى. ءبىزدىڭ مەكەمەدە 1300 ادام جۇمىس ىستەيدى. ءبىز بيىل ەندى عانا باستاپ جاتىرمىز. قىزمەتكەرلەرىمىز بانككە جۇگىنگەندە ولاردىڭ تولەم قابىلەتتىلىگى تەكسەرىلەدى»، – دەيدى سىمبات كاكيموۆا.
وتباسى بانك وسىنداي ونىمدەرىن ۇسىنىپ، كاسىپكەرلەردى سەرىكتەستىككە شاقىرىپ وتىر.
