Qazaqstanda alem.ai battle ulttyq baiqaýyna ótinim qabyldaý bastaldy. Bul týraly Jasandy intellekt jáne tsifrlyq damý ministrligi habarlady. Baiqaýda jasandy intellekt salasyndaǵy úzdik jobalarǵa 25 mln teńge júlde qory qarastyrylǵan, dep habarlaidy Dalanews.kz.
Ótinim qabyldaý 22 aqpanǵa deiin jalǵasady. Baiqaýǵa elimizdiń barlyq óńirinen mektep oqýshylary, stýdentter, startaptar men zertteýshiler qatysa alady.
Ótinimder tórt negizgi sanat boiynsha qabyldanady:
AI Young Talents – 12–18 jas aralyǵyndaǵy mektep oqýshylary. Qatysý úshin jobanyń keminde MVP deńgeiindegi (eń az fýnktsiialary bar testilik nusqa) jumys isteitin úlgisi bolýy qajet.
AI Driving Power – kolledjder men joǵary oqý oryndarynyń stýdentteri. Qatysýshylarda MVP deńgeiindegi II jobasy bolýy tiis.
AI Future Builders – II ónimi nemese prototipi/MVP bar komandalar. Jobanyń naryqta suranysqa ie ekenin dáleldeitin naqty kórsetkishteri, sonyń ishinde aqyly pilottyq jobalar men satylymdar bolýy kerek.
AI Innovators – ǵylymi zertteýler men ázirlemelerge negizdelgen, quramynda jasandy intellekt elementteri bar jobalar usynatyn komandalar.
Baiqaý qorytyndysy boiynsha Astanada ótetin finalǵa 20 úzdik komanda joldama alady. Sarapshylar alqasy ár sanattan bir jeńimpazdy anyqtaidy.
Tolyq aqparat pen ótinim berý astanahub.com saitynda qoljetimdi.
