Seminardyń maqsaty – sharýalar men memlekettiń arasyndaǵy qarym-qatynasty nyǵaita otyryp, aýyl sharýashylyǵynyń damýyna serpin berý. Usaq sharýa qojalyqtarynyń birigýine múmkindik jasap, sol arqyly ónim kólemin arttyrý bolyp tabylady.
Kezdesýde óńir basshysy taiaýda mundai basqosýlardyń et-sút baǵytynda Qazyǵurt pen Arys jáne Saryaǵash aýdandarynda, qus sharýashylyǵy boiynsha Ordabasy men Tólebide, balyq sharýashylyǵy aiasynda Shardara men Túlkibasta, qarqyndy baý sharýashylyǵy sheńberinde Sairamnyń sharýashylyq ókilderimen uiymdastyrylatynyn jetkizdi.
– Halqy tyǵyz ornalasqan Ońtústik Qazaqstan oblysyn jan-jaqty damytý aiasynda Memleket basshysynyń tapsyrmasy bar. Sondyqtan, óńir halqyn jemis-jidek, kókónistermen, jalpy, aýyl sharýashylyǵy ónimderimen qamtý úshin barynsha jumys isteýimiz qajet. Búgingi seminardyń maqsaty da aýyl sharýashylyǵy ónimin óndirýshiler men memleket arasyndaǵy bailanysty nyǵaityp, usaq qosalqy sharýashylyqtardy kooperativterge biriktirý ekenin aita ketý qajet, – dedi J.Túimebaev.
Aita keteiik, búgingi tańda oblystaǵy jylyjailar kólemi 1123 gektardy qurap, respýblikadaǵy úlesi 86 paiyzǵa jetip otyr. Jylyjailardyń basym bóligi Saryaǵash aýdanynda ornalasqan (591 ga – 53 %).
Jylyjai sharýashylyqtaryn damytýǵa memleket tarapynan qoldaýlar kúsheitilgen. Óndiristik jylyjaidyń ár gektaryna 1,5 mln. teńge (jylytý júiesi joq jylyjaidyń 1 gektaryna 800 myń teńge) sýbsidiia beriledi. Tyńaitqyshtar men gerbitsidterge 50 % deiin sýbsidiia qarastyrylǵan. Ónerkásiptik baǵyttaǵy jylyjailarǵa 11,3%-ben nesie berilse, koopertiv músheleriniń 6 %-ben nesie alýǵa múmkindigi bar.
OQO ákiminiń baspasóz qyzmeti
