سەميناردىڭ ماقساتى – شارۋالار مەن مەملەكەتتٸڭ اراسىنداعى قارىم-قاتىناستى نىعايتا وتىرىپ, اۋىل شارۋاشىلىعىنىڭ دامۋىنا سەرپٸن بەرۋ. ۇساق شارۋا قوجالىقتارىنىڭ بٸرٸگۋٸنە مٷمكٸندٸك جاساپ, سول ارقىلى ٶنٸم كٶلەمٸن ارتتىرۋ بولىپ تابىلادى.
كەزدەسۋدە ٶڭٸر باسشىسى تاياۋدا مۇنداي باسقوسۋلاردىڭ ەت-سٷت باعىتىندا قازىعۇرت پەن ارىس جەنە سارىاعاش اۋداندارىندا, قۇس شارۋاشىلىعى بويىنشا ورداباسى مەن تٶلەبيدە, بالىق شارۋاشىلىعى اياسىندا شاردارا مەن تٷلكٸباستا, قارقىندى باۋ شارۋاشىلىعى شەڭبەرٸندە سايرامنىڭ شارۋاشىلىق ٶكٸلدەرٸمەن ۇيىمداستىرىلاتىنىن جەتكٸزدٸ.
– حالقى تىعىز ورنالاسقان وڭتٷستٸك قازاقستان وبلىسىن جان-جاقتى دامىتۋ اياسىندا مەملەكەت باسشىسىنىڭ تاپسىرماسى بار. سوندىقتان, ٶڭٸر حالقىن جەمٸس-جيدەك, كٶكٶنٸستەرمەن, جالپى, اۋىل شارۋاشىلىعى ٶنٸمدەرٸمەن قامتۋ ٷشٸن بارىنشا جۇمىس ٸستەۋٸمٸز قاجەت. بٷگٸنگٸ سەميناردىڭ ماقساتى دا اۋىل شارۋاشىلىعى ٶنٸمٸن ٶندٸرۋشٸلەر مەن مەملەكەت اراسىنداعى بايلانىستى نىعايتىپ, ۇساق قوسالقى شارۋاشىلىقتاردى كووپەراتيۆتەرگە بٸرٸكتٸرۋ ەكەنٸن ايتا كەتۋ قاجەت, – دەدٸ ج.تٷيمەباەۆ.
ايتا كەتەيٸك, بٷگٸنگٸ تاڭدا وبلىستاعى جىلىجايلار كٶلەمٸ 1123 گەكتاردى قۇراپ, رەسپۋبليكاداعى ٷلەسٸ 86 پايىزعا جەتٸپ وتىر. جىلىجايلاردىڭ باسىم بٶلٸگٸ سارىاعاش اۋدانىندا ورنالاسقان (591 گا – 53 %).
جىلىجاي شارۋاشىلىقتارىن دامىتۋعا مەملەكەت تاراپىنان قولداۋلار كٷشەيتٸلگەن. ٶندٸرٸستٸك جىلىجايدىڭ ەر گەكتارىنا 1,5 ملن. تەڭگە (جىلىتۋ جٷيەسٸ جوق جىلىجايدىڭ 1 گەكتارىنا 800 مىڭ تەڭگە) سۋبسيدييا بەرٸلەدٸ. تىڭايتقىشتار مەن گەربيتسيدتەرگە 50 % دەيٸن سۋبسيدييا قاراستىرىلعان. ٶنەركەسٸپتٸك باعىتتاعى جىلىجايلارعا 11,3%-بەن نەسيە بەرٸلسە, كووپەرتيۆ مٷشەلەرٸنٸڭ 6 %-بەن نەسيە الۋعا مٷمكٸندٸگٸ بار.
وقو ەكٸمٸنٸڭ باسپاسٶز قىزمەتٸ
