– Qurylys ındýstrıasynyń órkendeýi, áleýmettik mańyzdy nysandardyń salynýy álemdegi otyzdyqqa umtylǵan elimizde erekshe oryn alady. Sońǵy jyldary qurylys nysandaryn salýǵa arnalǵan ınvestısıalar kólemi respýblıkalyq, oblystyq jáne aýdandyq búdjetterden, sonymen birge jeke kompanıalar men fırmalardyń qarjylary esebinen edáýir ósýde. Atap aıtqanda bilim berý, densaýlyq saqtaý, mádenıet, sport, turǵyn-úı jáne ınjenerlik ınfraqurylymdy damytý sıaqty áleýmettik mańyzdy salalarǵa memleket tarapynan orasan zor kóńil bólinip, «Nurly jol», «Nurly jer» baǵdarlamary sheńberinde qarqyn alyp otyr, – dedi óńir basshysy.
Saladaǵy osynaý aqparattarmen bólisken aımaq basshysy munan soń, qurylys salasynda kóptegen jyldar eńbek etip, óńirdegi birqatar qurylys nysandarynyń boı kóterýine atsalysqan qurmetti qurylysshylardy marapattady.
Atap aıtqanda, salaǵa eńbegi sińgen úsh azamat QR Indýstrıa jáne damý mınıstrliginiń Qurylys jáne turǵyn úı komýnaldyq sharýashylyq isteri komıtetiniń «Qurmetti qurylysshy» tósbelgisine ıe bolsa, bir adam «Qurmetti jolshy» tósbelgisin, bes azamat atalǵan mınıstrliktiń Alǵys hatyn aldy. On úsh sala mamanyna óńir basshysynyń Gramotasy berilse, bes azamat ákimniń Alǵys hatymen nagradtaldy. Jalpy, bul kúni 40-qa jýyq qurylys salasyna qatysty azamattar marapattalyp, el adyndaǵy mereıi ústem boldy.
Jalpy, 2017 jyly oblys aýmaǵynda 209 áleýmettik nysan qurylysy boıynsha ınvestısıalyq jobalardyń iske asyrylýyna 64,9 mlrd.teńge qaraldy. Sondaı-aq jyl sońyna deıin 116 nysandy paıdalanýǵa tapsyrý josparlanyp otyr. Ulttyq qordan – «Nurly jol» Memlekettik baǵdarlamasy aıasynda 32 mektep qurylysyn júrgizýge 17,4 mlrd.teńge bólinse, 2016 jyldan ótpeli 19 mektepti bıyl paıdalanýǵa berý josparlanyp, búgingi kúnge 5 mektep tapsyryldy.
Turǵyn úı qurylysy damýynyń negizgi faktory – qurylysqa ınvestısıalyq qarjylardyń kóptep baǵyttalýy bolyp tabylady. Baspanamen qamtamasyz etý – halyqtyń turmys deńgeıi damýynyń negizgi kórsetkishi. 2017 jyly barlyq qarjylandyrý kózderi arqyly 226 turǵyn úıdiń qurylysy júrgizilýde. Bul degenińiz 10 879 páter. Jyl sońyna deıin 115 úıdi (6375 páter) paıdalanýǵa tapsyrý josparlanyp otyr.
«Nurly jer» turǵyn úı qurylysy baǵdarlamasynyń barlyq baǵyttary boıynsha 2017 jyldyń jeti aıynda OQO aýmaǵynda 348,0 myń sh.m. (3154 páter) turǵyn úı paıdalanýǵa tapsyrylyp, ótken jyldyń osy merzimimen salystyrǵanda 115,%-ǵa oryndaldy. 2017 jyldyń jospary – 550,6 myń sh.m. turǵyn úıdi aıaqtaý josparlansa, jyl qorytyndysymen 700 myń sh.m. paıdalanýǵa tapsyrylady dep kútilýde.
Jol qurylysy salasyn damytýǵa 2017 jyly búdjetten 29 mlrd 445,7 mln. teńge qaralyp, 584 nysan nemese 1 570 shaqyrym joldar men kósheler qurylys-jóndeý jumystarymen qamtylatyn bolady. Oblystyq jáne aýdandyq mańyzy bar 801,8 shaqyrym jolda qurylys-jóndeý jumystary júrgizilip, jyl sońyna deıin 115,4 shaqyrym jol qurylyys aıaqtalady.
OQO ákiminiń baspasóz qyzmeti
