– قۇرىلىس يندۋسترياسىنىڭ وركەندەۋى، الەۋمەتتىك ماڭىزدى نىسانداردىڭ سالىنۋى الەمدەگى وتىزدىققا ۇمتىلعان ەلىمىزدە ەرەكشە ورىن الادى. سوڭعى جىلدارى قۇرىلىس نىساندارىن سالۋعا ارنالعان ينۆەستيسيالار كولەمى رەسپۋبليكالىق، وبلىستىق جانە اۋداندىق بيۋدجەتتەردەن، سونىمەن بىرگە جەكە كومپانيالار مەن فيرمالاردىڭ قارجىلارى ەسەبىنەن ەداۋىر وسۋدە. اتاپ ايتقاندا ءبىلىم بەرۋ، دەنساۋلىق ساقتاۋ، مادەنيەت، سپورت، ءتۇرعىن-ۇي جانە ينجەنەرلىك ينفراقۇرىلىمدى دامىتۋ سياقتى الەۋمەتتىك ماڭىزدى سالالارعا مەملەكەت تاراپىنان وراسان زور كوڭىل ءبولىنىپ، «نۇرلى جول»، «نۇرلى جەر» باعدارلامارى شەڭبەرىندە قارقىن الىپ وتىر، – دەدى ءوڭىر باسشىسى.
سالاداعى وسىناۋ اقپاراتتارمەن بولىسكەن ايماق باسشىسى مۇنان سوڭ، قۇرىلىس سالاسىندا كوپتەگەن جىلدار ەڭبەك ەتىپ، وڭىردەگى ءبىرقاتار قۇرىلىس نىساندارىنىڭ بوي كوتەرۋىنە اتسالىسقان قۇرمەتتى قۇرىلىسشىلاردى ماراپاتتادى.
اتاپ ايتقاندا، سالاعا ەڭبەگى سىڭگەن ءۇش ازامات ق ر يندۋستريا جانە دامۋ مينيسترلىگىنىڭ قۇرىلىس جانە تۇرعىن ءۇي كوممۋنالدىق شارۋاشىلىق ىستەرى كوميتەتىنىڭ «قۇرمەتتى قۇرىلىسشى» توسبەلگىسىنە يە بولسا، ءبىر ادام «قۇرمەتتى جولشى» توسبەلگىسىن، بەس ازامات اتالعان مينيسترلىكتىڭ العىس حاتىن الدى. ون ءۇش سالا مامانىنا ءوڭىر باسشىسىنىڭ گراموتاسى بەرىلسە، بەس ازامات اكىمنىڭ العىس حاتىمەن ناگرادتالدى. جالپى، بۇل كۇنى 40-قا جۋىق قۇرىلىس سالاسىنا قاتىستى ازاماتتار ماراپاتتالىپ، ەل ادىنداعى مەرەيى ۇستەم بولدى.
جالپى، 2017 جىلى وبلىس اۋماعىندا 209 الەۋمەتتىك نىسان قۇرىلىسى بويىنشا ينۆەستيسيالىق جوبالاردىڭ ىسكە اسىرىلۋىنا 64،9 ملرد.تەڭگە قارالدى. سونداي-اق جىل سوڭىنا دەيىن 116 نىساندى پايدالانۋعا تاپسىرۋ جوسپارلانىپ وتىر. ۇلتتىق قوردان – «نۇرلى جول» مەملەكەتتىك باعدارلاماسى اياسىندا 32 مەكتەپ قۇرىلىسىن جۇرگىزۋگە 17،4 ملرد.تەڭگە بولىنسە، 2016 جىلدان وتپەلى 19 مەكتەپتى بيىل پايدالانۋعا بەرۋ جوسپارلانىپ، بۇگىنگى كۇنگە 5 مەكتەپ تاپسىرىلدى.
تۇرعىن ءۇي قۇرىلىسى دامۋىنىڭ نەگىزگى فاكتورى – قۇرىلىسقا ينۆەستيسيالىق قارجىلاردىڭ كوپتەپ باعىتتالۋى بولىپ تابىلادى. باسپانامەن قامتاماسىز ەتۋ – حالىقتىڭ تۇرمىس دەڭگەيى دامۋىنىڭ نەگىزگى كورسەتكىشى. 2017 جىلى بارلىق قارجىلاندىرۋ كوزدەرى ارقىلى 226 تۇرعىن ءۇيدىڭ قۇرىلىسى جۇرگىزىلۋدە. بۇل دەگەنىڭىز 10 879 پاتەر. جىل سوڭىنا دەيىن 115 ءۇيدى (6375 پاتەر) پايدالانۋعا تاپسىرۋ جوسپارلانىپ وتىر.
«نۇرلى جەر» تۇرعىن ءۇي قۇرىلىسى باعدارلاماسىنىڭ بارلىق باعىتتارى بويىنشا 2017 جىلدىڭ جەتى ايىندا وقو اۋماعىندا 348،0 مىڭ ش.م. (3154 پاتەر) تۇرعىن ءۇي پايدالانۋعا تاپسىرىلىپ، وتكەن جىلدىڭ وسى مەرزىمىمەن سالىستىرعاندا 115،%-عا ورىندالدى. 2017 جىلدىڭ جوسپارى – 550،6 مىڭ ش.م. تۇرعىن ءۇيدى اياقتاۋ جوسپارلانسا، جىل قورىتىندىسىمەن 700 مىڭ ش.م. پايدالانۋعا تاپسىرىلادى دەپ كۇتىلۋدە.
جول قۇرىلىسى سالاسىن دامىتۋعا 2017 جىلى بيۋدجەتتەن 29 ملرد 445،7 ملن. تەڭگە قارالىپ، 584 نىسان نەمەسە 1 570 شاقىرىم جولدار مەن كوشەلەر قۇرىلىس-جوندەۋ جۇمىستارىمەن قامتىلاتىن بولادى. وبلىستىق جانە اۋداندىق ماڭىزى بار 801،8 شاقىرىم جولدا قۇرىلىس-جوندەۋ جۇمىستارى جۇرگىزىلىپ، جىل سوڭىنا دەيىن 115،4 شاقىرىم جول قۇرىلىىس اياقتالادى.
وقو اكىمىنىڭ باسپا ءسوز قىزمەتى
