Aldymen aımaq basshysy Sanaly eldi mekenindegi 150 orynǵa shaqtalǵan mektep qurylysyn aralap kórip, merdigerge qurylystyń sapasy men merziminde aıaqtalýyna nazar aýdarýyn aıtty.
[caption id="attachment_32807" align="alignleft" width="387"]
Samat Myrzalıevtiń fotosy[/caption]
Qurylysy bıylǵy jyldyń mamyr aıynda bastalǵan bilim oshaǵynyń smetalyq quny 386 mln. teńgeni quraıdy. Qazir mundaǵy qurylys jumystaryn «Aq Nur Stroı» JSHS-gi júrgizip jatyr. Bilim uıasy keler jyldyń shilde aıynda tapsyrylmaq.
Munan soń oblys ákimi atalǵan aýyldaǵy taıaýda ǵana el ıgiligine berilgen feldsherlik-akýsherlik beketiniń jumysymen tanysyp, qyzmetkerlerimen tildesti. Bir myńǵa jýyq turǵyny bar bul aýyldaǵy densaýlyq saqtaý uıymy naýqastarǵa alǵashqy medısınalyq kómek kórsetedi.
Sondaı-aq, ákim «Jelmaıa» aýyl sharýashylyǵy óndiristik kooperatıvine qarasty túıe sútin óńdeıtin sehta boldy. Kásiporyn túıe sútin plasıkalyq ydystarǵa quıyp, daıyn ónim shyǵarýmen aınalysady. Táýligine 1,5 tonna shubat daıyndaýǵa qaýqarly. Qazir munda 13 adam turaqty jumys istep jatyr.
[caption id="attachment_32808" align="alignright" width="450"]
Samat Myrzalıevtiń fotosy[/caption]
Jumys saparynyń sońynda J.Túımebaev «Nátıjeli jumyspen qamtý jáne jappaı kásipkerlikti damytý» baǵdarlamasy arqyly 4 mln. teńge nesıe alyp, óz kásibin dóńgeletip otyrǵan aýyl turǵyny Ǵanıjan Aıtýarovtyń jumysyn kórdi. Búginde kásipker bar qarjysyna 16 bas iri qara alyp, sút, aıran, sary maı, irimshik, et óndirýdi jolǵa qoıǵan. Sharýanyń jumysyna qanyqqan aımaq basshysy osy baǵyttaǵy jumystardy odan ármen qaraı damyta berýin aıtyp, atqarylǵan iske oń baǵasyn berdi.
– Bizdiń basty maqsatymyz turǵyndardy jumyspen qamtý. Nátıjeli jumyspen qamtý jáne jappaı kásipkerlikti damytý baǵdarlamasynyń negizgi maqsaty da osy. Jumyssyz azamattardyń eki qolyna bir kúrek taýyp berý. Mine, jumys joq dep otyra bermeı, osylaı eńbek etemin degenderge memleket tarapynan beriletin kómek óte kóp. Osy múmkindikti árbir azamat paıdalanýǵa bolady, – dedi Janseıit Qanseıituly.
Sondaı-aq, Arys qalasynda «Órleý» baǵdarlamasy arqyly da isin ilgeriletip otyrǵandar barshylyq. Atalǵan baǵdarlama aıasynda shashtaraz, avtomehanık-avtoslesar syndy mamandyqtardy oqyǵan jumyssyz azamattar, memlekettiń qoldaýymen jeke kásip ashyp, tabystyń kózin tapqan.
OQO ákiminiń baspasóz qyzmeti
