Qazirgi tańda oblystaǵy mádeniet salasynda 5 myńǵa jýyq qyzmetker abyroily jumys atqaryp keledi.
Al halyqqa 736 mádeniet jáne óner mekemeleri qyzmet etýde. Atalǵan uiymdardyń qatysýymen ótken jyly 31 myńnan asa is-sharalar ótkizildi. Is-sharalar negizinen «EKSPO-2017» Halyqaralyq mamandandyrylǵan kórmesi, «Túrkistan - Túrki áleminiń mádeni astanasy» jyly jáne Elbasynyń «Bolashaqqa baǵdar: rýhani jańǵyrý» baǵdarlamalyq maqalasy aiasynda uiymdastyryldy.
Sonymen qatar, «Rýhani jańǵyrý» baǵdarlamalyq maqalasyndaǵy «Jahandyq zamanaýi Qazaqstandyq mádeniet» baǵyty boiynsha oblysymyzdyń mádenieti men ónerin shetelderge tanystyrý maqsatynda osy jyly Sh.Qaldaiaqov atyndaǵy oblystyq filarmoniianyń ánshileri men «Qazyna» bi ansambli Túrkiia Respýblikasyndaǵy «Kastamoný – Túrki áleminiń mádeni astanasy» jylynyń ashylý saltanatyna jáne halyqaralyq Naýryz merekesine qatysyp, 6 memlekette óner kórsetti.
Sonymen birge, oblysymyzdyń ónerpazdary Finliandiiada ótken «Jumbaq Jibek joly» halyqaralyq festivaline qatysty. Al Italiianyń Pezaro qalasynda ótken XV «Chitta di Pezoro» halyqaralyq vokalister baiqaýynda jas ónerpazdarymyz Karina Najmeddinova jáne Nurqanat Tapivter I orynǵa ie bolyp, Italiiada 1 jyl tegin oqýǵa shaqyrtý aldy.
Oblys ákimi Janseiit Túimebaev mádeniet jáne óner qyzmetkerlerin únemi qoldap keledi.
«Elbasymyz Nursultan Ábishuly Nazarbaev táýelsiz elimizde mádeniettiń, ulttyq ónerimiz ben salt-dástúrlerimizdiń ósip-órkendeýine, ótkenin jańǵyrta otyryp jańasha baǵytta jumys jasaýǵa erekshe mán berip, únemi nazarda ustap kele jatqany barshamyzǵa aian. Elimizdiń bolashaǵy jeke tulǵanyń mádeniettiligine bailanysty. Jeke tulǵa men qoǵamnyń saiasi, eńbek, qarym-qatynas mádenietin qalyptastyratyn arnaiy mekemeler men áleýmettik orta. Sol mekemelerdiń biri mádeniet oshaqtary bolsa, adamdy rýhani azyqqa bóleitin mádeniet pen óner qyzmetkerleri»,- degen bolatyn budan buryn J.Túimebaev.
