Qyrýar qarjy ustaǵannyń qolynda, tistegenniń aýzynda ketip jatqanyna nalyǵan ol, bul baǵytta túbegeili ózgeris qajet ekenin aitty.
– Erejeni, tujyrymdamany aýylsharýashylyq ministrligi bekitedi. Aqsha bólýmen jergilikti atqarýshy organdar ainalysady. Al aimaqtyq jergilikti ákimdik baqylaýǵa mindetti. Osyndai bulyńǵyr jaýapkershilik beiberettikke alyp kelgen. Keshendi taldaý barysynda 65 qylmystyq is qozǵalyp, 14 adam qamaýǵa alyndy. Qazir tergeý ári qarai jalǵasyp jatyr. Biz eshqandai tiimdilik joǵyn kórsettik. Aqshanyń bári jelge ushyp jatyr, – dedi Sybailas jemqorlyqqa qarsy is-qimyl agenttiginiń tóraǵasy Marat Ahmetjanov.
Aýyl sharýashylyǵyna bólingen sýbsidiiany mai-shelpekke ainaldyrǵandardyń sońyna sham alyp túsken antikor qyzmetkerleri sońǵy bes jylda 960 qylmystyq is qozǵalyp, 450 tulǵa jaýapqa tartylǵanyn aitty.
Alaida adal sharýalardy tiesili qarjydan qaqqandar áli kúnge deiin esh sabaq almaǵan.
Saraptama kórsetkendei, jyl saiyn belgili shema boiynsha sýbsidiiany jymqyrý jalǵasqanymen, onyń sebebi anyqtalmapty. Máselen, Batys Qazaqstan oblysynda sheneýnikter aldaý jolymen birneshe fermerdiń atynan jalǵan qujat ázirlep, isten shyqqan qurylǵa ornatsa, kei aimaqta joq malǵa sýbsidiia bólingen.
Jaqynda agrosalada sýbsidiia jymqyrýǵa qatysty iri opreatsiia bastalǵan bolatyn. Aldaǵy ýaqytta Sybailas jemqorlyqqa qarsy is-qimyl agenttik jemqorlyqpen kúresti kúsheitip, túrli zertteý júrgizý baǵytynda BAQ ókilderimen birlesip jumys istemekshi. Sol sebepti antikor basshylyǵy jýrnalisterdiń quqyǵyn qorǵaýdyń zańnamalyq shekteri men kepildikterin belgileýdi usynady.
