Májilis depýtat Ashat Aimaǵambetov Qazaqstandaǵy joǵary oqý oryndary oqytýshylarynyń shamadan tys jumys júktemesine nazar aýdardy, dep habarlaidy Dalanews.kz.
Bul másele "Ǵylym máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly" zań jobasyn talqylaý kezinde kóterildi.
Atalǵan qujatta oqytýshylardyń bailanys saǵattaryn qysqartýǵa baǵyttalǵan norma qarastyrylǵan. Zań jobasyn ázirleýshilerdiń biri - burynǵy bilim jáne ǵylym ministri Ashat Aimaǵambetov.
Depýtattyń sózinshe, bul problema oǵan jaqsy tanys. Ýniversitette jumys istegen kezde onyń bir stavkadaǵy júktemesi 1200 saǵatqa deiin jetken.
"Bul - kúnine shamamen jeti aýditoriialyq saǵat. Mundai kólemde sapaly sabaq ótkizý óte qiyn", - dedi ol.
Aimaǵambetov 2021 jyly memlekettik joǵary oqý oryndary úshin bailanys saǵattaryn 680 saǵatpen shekteitin buiryq qabyldanǵanyn eske saldy. Alaida bul talap búginde barlyq ýniversitetke, ásirese jekemenshik JOO-larǵa birdei qoldanylmaidy.
Depýtat júktemeni retteý oqytýshylar úshin oń ózgeris bolatynyn atap ótti.
