Bul týraly QR Memlekettik qyzmet isteri agenttiginiń tóraǵasy Darhan Jazyqbaev memlekettik organnyń 2022 jylǵy jumys qorytyndysy boiynsha keńeitilgen alqa otyrysynda baiandady.
Birinshiden, memlekettik grantpen oqý oryndaryn aiaqtaǵan úzdik túlekter aýdan men aýylda tómengi laýazymdarǵa konkýrstyq irikteýsiz tikelei taǵaiyndalatyn bolady.
Bul bilikti jastardy memlekettik qyzmetke yntalandyrýǵa, jas mamandardyń aýdan men aýyldyq aimaqtarǵa oralýyna, sonymen qatar óńirlerdegi kadr tapshylyǵyn azaitýǵa septigin tigizip, memlekettik qyzmetke kirýdi jeńildetedi.
Ekinshiden, «B» korpýsynyń joǵary laýazymdaryna ýákiletti organnyń kelisimimen konkýrstyq irikteýsiz tikelei taǵaiyndaý múmkindigi berilip otyr. Bul birinshi basshylardyń óz qyzmetshileri úshin jaýapkershiligin arttyrady.
Úshinshiden, QR Prezidenti janyndaǵy Memlekettik basqarý akademiiasynyń joǵary úlgerimin kórsetken túlekteri oqýdy bitirgennen keiin bir jyl ishinde elordany qospaǵanda, jergilikti organdarǵa jekelegen laýazymdarǵa konkýrstyq irikteýsiz taǵaiyndaý qarastyryldy.
Tórtinshiden, eki toqsan boiy tiimsiz dep baǵalanǵan qyzmetshilerdiń laýazymy tómendetiledi, al tómengi bos laýazym bolmaǵanda – qyzmetten shyǵarylady. Bul apparatty tiimsiz memlekettik qyzmetshilerden bosatýǵa yqpalyn tigizip, memlekettik qyzmetten shyǵý tártibin jeńildetedi.
QR MQIA Baspasóz qyzmeti
