Is-sharaǵa azamattyq qoǵam ókilderi, sondai-aq memlekettik organdardyń qyzmetkerleri qatysty.
Nur-Sultan qalasy Ishki saiasat basqarmasynyń basshysy Dáýren Babamuratov Prezident joldaýy qoǵamnyń mańyzdy problemalaryn sheshýge baǵyttalǵan is-sharalar kesheni ekenin atap ótti.
– Stýdentterge jyldyq 2-3 paiyzben bilim nesiesin alýǵa múmkindik beriledi. Buryn memleket oqý úshin qarajat bóletin. Grantqa túspegen stýdentter aqyly oqydy, oqýyn aiaqtaǵannan keiin bolashaq jumysy esebinen memleket aldyndaǵy qaryzyn tóledi. Qazir stýdentter úshin jaǵdai odan da jaqsy, – dedi Dáýren Babamuratov.
Onyń aitýynsha, Prezidenttiń bala kútimi boiynsha tólem merzimin 1,5 jasqa deiin arttyrý, áielderdiń zeinetkerlik jasyn 2028 jylǵa deiin 61 jasqa deiin saqtaý jónindegi tapsyrmasy halyq arasynda oń sheshimin tapty. Ásirese, biznesti júrgizý úshin 2%-ben nesie beriletini qýantady. Bul astanalyq jastar úshin óte jaqsy demeý.
– Qazir Prezident Joldaýyn talqylaǵanda, ony memleket damýynyń trendinen kórip otyrmyz. Qazirgi jastar elimizde demografiialyq jaǵdai qarqyn alǵan 2004-20005 jyldary dúniege kelgen. Olar jaqyn arada joǵary oqý oryndaryn bitirip, eńbek naryǵyna shyǵady. Prezident Joldaýda kelesi jyly jastar úshin 100 myń qosymsha jumys orny paida bolatynyn málimdedi, – dedi Dáýren Babamuratov.
«Kameda» qoǵamdyq qorynyń basshysy, «Qazaqstannyń Azamattyq aliansynyń» resmi ókili Mahabbat Espenova memleketpen birlesip qoǵamdyq mańyzy bar jobalardy iske asyrý jóninde birer mysal aityp berdi. Atap aitqanda, ol azamattyq bastamalar ortalyǵynyń qyzmetin joǵary baǵalady.
– Bul azamattyq qoǵam institýttary men memlekette bolyp jatqan oqiǵalarǵa bei-jai qaramaityn belsendiler úshin kóp salaly servistik qyzmet. Eger olar qandai da bir problemany sheshýdi josparlasa, maqsatymyz – olardy iske asyrýǵa kómektesý. Sonymen qatar, bul azamattyq qoǵam institýttary men memlekettik organdar arasyndaǵy ózara is-qimyldy qurý jónindegi dialog alańy. Prezident óz Joldaýynda bilik pen qoǵam arasyndaǵy tiimdi dialogtyń qajettiligin atap ótti. Bul turǵyda qoǵamdyq uiymdardyń róli arta túsýde, – dedi Mahabbat Espenova.
