Aqtóbede Reseidiń Nordwind Airlines áýe kompaniiasyna tiesili ushaq shuǵyl túrde qondy, dep habarlaidy Dalanews.kz Qazaqparatqa siltep.
Ushaq Ekaterinbýrgten Sochige bet alǵan. Alaida jolaýshylardyń biri ózin kenetten nashar sezingendikten, ekipaj shuǵyl qoný týraly sheshim qabyldaǵan. Keiinnen belgili bolǵandai, jolaýshy kóz jumǵan.
– Búgin shamamen saǵat 12:35-te Ekaterinbýrg – Sochi baǵyty boiynsha ushyp bara jatqan ushaq Aqtóbe áýejaiyna qondy. Buǵan jolaýshynyń jaǵdaiynyń kúrt nasharlaýy sebep boldy. Keiin ol qaitys boldy. Ólim sebebin keiin dárigerler anyqtaidy. Boeing-777 ushaǵy qazir áli de Aqtóbe áýejaiynda tur.
Jolaýshynyń máiiti borttan túsirile me, álde reispen birge jetkizile me – bul másele ázirge sheshilgen joq. Osydan keiin reis ári qarai jalǵasady. Dál ushý ýaqyty ekipaj sheshiminen keiin belgili bolady. Passajirler ushaq bortynan shyǵarylǵan joq, barlyǵy salonda, – dedi Máliev.
