Mediamagnat Armanjan Baitasov joǵary shendi sheneýnikterge qatysty qylmystyq iske qatysy bolýy múmkin. Bul týraly jýrnalist Mihail Kozachkov jazdy, - dep habarlaidy Dalanews.kz.
«Almatydaǵy qylmystyq ister jónindegi mamandandyrylǵan aýdanaralyq sotta taǵy bir qyzyq protsess bastaldy. Aiyptalýshylar - ákimdikte jer máseleleri úshin jaýapty bolǵan burynǵy basqarma bastyǵy Almashan Ahmedjanov pen Ardaq Samambetov bastaǵan jer men qurylysqa ruqsat berýge qatysy bar sheneýnikter. Bul daýly is, sebebi ol tek memlekettik qyzmetkerlerge ǵana emes, qaladaǵy elita ókildeine – depýtattar men iri kásipkerlerge qatysty. Men aiyptaý aktin oqyp shyqtym, 159 bette jazylǵan nárseni bir jazbamen túsindire almaimyn. Sondyqtan materialdy birneshe bólimge bólip túsindiremin. Búgin qurylys salýshylardan keri qaitarym (otkat) alý shemasy týraly túsindirip beremin. Onda ózin mediamagnat dep ataityn birneshe BAQ iesi Armanjan Baitasovtyń da aty atalady», - deidi Kozachkov.
Onyń sózinshe, Almashan Ahmedjanov ruqsattardy zańsyz resimdeýde kórsetilgen laýazymdyq ókilin teris paidalandy degen kúdikke de ilingen.
«Áldebir kommersanttarda jaqsy aýdanda turǵan jeri bar dep elesteteiik, jeke turǵyn úi salamyn degen naqty maqsaty bolady. Qarabaiyr tilmen aitqanda otbasyna úi salyp beredi. Al olar birneshe otbasyna arnalǵan úi iaǵni turǵyn úi salǵysy keledi. Ol úshin jerdi paidalanýdyń maqsatyn ózgertý kerek. Biraq ony qalai isteidi? Durys, sheneýniktermen kelisedi. Mysaly Antikordyń boljamy boiynsha, Ahmedjanovpen Boris Chen kelisim júrgizgen. Ol ýrbanistika basqarmasynyń basshysyn eki jer ýchaskesinde birneshe úi salýǵa ruqsat berip, qujatqa qol qoiýǵa kelistiredi. Onyń bireýi naqty qoldaný maqsaty bar (IJS) jer, ekinshisi sharýa qojalyǵy. Biraq birneshe úi salyp, ony satyp jibergen. Memleketke 150 million teńge shyǵyn keltirilgen», - deidi jýrnalist.
Kozachkovtyń aitýynsha, is boiynsha ekinshi epizod basqa turǵyn úimen bailanysty. Onyń qujattary da birinshi shemamen jasalyp, memleketke 110 million teńge shyǵyn kelgen.
«Al úshinshi epizodta Armanjan Baitasov paida bolǵan. Birneshe BAQ-tyń iesi qurylyspen de ainalysatyn bolyp shyqty. Baitasov quramyna «Korporatsiia Art-Media» JShS kiretin «Tan Media Grýpp» JShS-ne ielik etedi. Al Almatynyń ortalyq aýdanynda ornalasqan River Park turǵyn úi keshenin salýmen ainalysqan kompaniia ataýy da sondai. Turǵyn úidiń sapasy nashar. Ol aýdanda qurylys onsyz da tyǵyz bolǵandyqtan kóp úi salýǵa bolmaityn. Sheneýnikter de ony biletin, sonda da qujattaryn qabyldaǵan. Antikor qujattardy rásimdeý úshin páter túrindegi syiaqy berilgen bolýy múmkin dep boljap otyr. Sebebi bul turǵyn úiden Ahmedjanovtyń kúieýbalasy úidi aýyz toltyryp aitatyndai jeńildikpen alǵan. 30 million teńgedei turatyn páter 9 millionǵa satylǵan», - deidi jýrnalist.
